Гэтае небясьпечнае злачынства было ўчынена ў 2005 годзе, і доўгі час яго не ўдавалася раскрыць. Тады сярод белага дня на дарозе была абстраляная аўтамашына, на якой везьлі месячную зарплату работнікам Гомельскага горнаўзбагачальнага камбіната. Шэсьць узброеных злачынцаў з маскамі на твары зьніклі зь месца здарэньня з больш як 109 мільёнамі рублёў.
Гэтае небясьпечнае злачынства было ўчынена ў 2005 годзе, і доўгі час яго не ўдавалася раскрыць. Тады сярод белага дня на дарозе была абстраляная аўтамашына, на якой везьлі месячную зарплату работнікам Гомельскага горнаўзбагачальнага камбіната. Шэсьць узброеных злачынцаў з маскамі на твары зьніклі зь месца здарэньня з больш як 109 мільёнамі рублёў.
Да пошукаў іх гомельскія сышчыкі падключылі сваіх калег з суседняй расейскай Браншчыны, і тыя амаль праз год затрымалі двух украінцаў, якія спрабавалі перайсьці мяжу паміж Расеяй і Ўкраінай зь мяшком, у якім знаходзіліся часткі аўтамата Калашнікава і вінчэстэр. Пачалося сьледзтва, якое закончылася летась, і ў якое ўключыліся органы правапарадку Ўкраіны. А затым адбыўся суд.
У выніку двое злачынцаў правядуць па некалькі гадоў у расейскіх турмах, адзін (таксама ўкраінец) — ва ўкраінскай. А калі яны там адбудуць пакараньне, іх даставяць у беларускую турму: аднаго на 11 гадоў і двух — на 9.
Траіх жа іх саўдзельнікаў таго злачынства дагэтуль знайсьці не ўдалося.
Каментары