Прынамсі шэсць чалавек загінулі пры стральбе ў мячэці горада Квебек — сталіцы аднайменнай канадскай правінцыі. Пра гэта журналістам паведаміў прэзідэнт мячэці, якая служыць таксама асноўным памяшканнем Ісламскага культурнага цэнтра горада, Махамед Янгі, піша Бі-бі-сі.
Прэм'ер-міністр Канады Джасцін Трудо выпусціў заяву, у якой назваў напад на мячэць тэрактам.
Паліцыя пакуль не паведамляе дакладнай колькасці загінулых і пацярпелых. Прадстаўнік паліцыі паведаміў, што пацярпелых шмат і ёсць забітыя.
У мячэці на момант нападу знаходзіліся дзясяткі чалавек, якія прыйшлі на нядзельную вечаровую малітву.
Квэбэкская паліцыя паведаміла ў «Твітары», што цяпер сітуацыя знаходзіцца пад кантролем, усе, хто знаходзіўся ў мячэці, эвакуяваныя. На дадзены момант арыштаваныя два чалавекі.
Адзін з відавочцаў раней паведаміў «Рэйтэр», што ў мячэць праніклі тры ўзброеныя чалавекі. Паліцыя пакуль не выключае магчымасці таго, што трэцяму нападніку ўдалося схавацца.
На дадзены момант матывы тых, хто нападаў, невядомыя.
Цяпер чытаюць
У Чэхіі малады беларус трапіў у кому — наглытаўся таблетак праз праблемы з легалізацыяй і разрыў з дзяўчынай11
Каментары