Крымінальную справу ў дачыненні да дырэктара мінскай гімназіі, які абвінавачваецца ў атрыманні хабару, суд Фрунзенскага раёна пачне слухаць 11 лістапада.
Пра гэта БелаПАН паведаміла памочнік старшыні Мінскага гарадскога суда Настасся Шыльвян.
Нагадаем, абвінавачаны — былы дырэктар беларускамоўнай гімназіі №4 Мінска Юрый Бандарэнка. Яму інкрымінуецца здзяйсненне злачынства, прадугледжанага ч. 1 арт. 430 КК (атрыманне хабару).
Дырэктар установы адукацыі абвінавачваецца ў тым, што 18 жніўня ў сваім службовым кабінеце за прыняцце рашэння аб залічэнні дзіцяці ў пяты клас гімназіі прыняў для сябе асабіста ад яго бацькі 500 даляраў ЗША.
Папярэдняе следства па крымінальнай справе праводзілася ўпраўленнем Следчага камітэта па Мінску.
Каментары