Жыхар Гомеля на вачах малой дачкі выштурхнуў былую жонку з сёмага паверха
У Гомелі мужчына выштурхнуў былую жонку з акна 7-га паверха. Пра гэта паведаміла афіцыйны прадстаўнік УСК па Гомельскай вобласці Марыя Крываногава.
Як адзначаецца, надзвычайнае здарэнне адбылося ў нядзелю ў 22:20.
36-гадовы мужчына пасля сваркі ў парыве гневу выштурхнуў былую жонку з акна сёмага паверху проста на вачах у іх малалетняй дачкі, а пасля сам паведаміў у міліцыю пра зробленае.
У цяперашні час 38-гадовая пацярпелая знаходзіцца ў рэанімацыі ў вельмі цяжкім стане.
На месцы здарэння з удзелам падазраванага праводзяцца следчыя дзеянні. Вядома, што пара і раней часта сварылася, імаверна гэта і стала прычынай іх разводу. Разам з тым пражывалі былыя муж і жонка разам.
Падазраваны раней быў судзімы за наўмыснае прычыненне лёгкага цялеснага пашкоджання.
Гомельскім гарадскім аддзелам Следчага камітэта заведзена крымінальная справа за замах на забойства, здзейсненае з асаблівай жорсткасцю.
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары