Маладзечанскі раённы аддзел Следчага камітэта шукае пацярпелых ад дзеянняў мужчыны, якога вінавацяць у махлярстве, паведамляецца на сайце УСК па Мінскай вобласці.
Расследуецца крымінальная справа ў дачыненні да Міхалевіча Георгія Васільевіча 1962 года нараджэння, які абвінавачваецца ў здзяйсненні шэрагу ашуканскіх дзеянняў. Выяўлена, што ён пад рознымі падставамі браў у доўг у знаёмых грошы, загадзя не маючы намеру іх вяртаць.
Паводле дадзеных следства, карыстаючыся даверлівасцю грамадзян і спасылаючыся на непрадбачаныя цяжкасці, мужчына займаў як беларускія рублі, так і замежную валюту. За некалькі месяцаў 2015 года ён завалодаў маёмасцю пяці грамадзян на агульную суму каля 70 млн рублёў.
Тым, хто пацярпеў ад дзеянняў гэтага чалавека, неабходна звяртацца ў Маладзечанскі раённы аддзел Следчага камітэта па тэлефоне 8 (0176) 58-07-71 або Маладзечанскі раённы аддзел унутраных спраў — 8 (0176) 74-68-42
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек5
Каментары