Лукашэнка напаіў Мядзведзева бярозавікам і сфатаграфаваў разам з Колем каля дома ў Александрыі
Аляксандр Лукашэнка і старшыня расійскага ўрада Дзмітрый Мядзведзеў правялі 12 мая нефармальную сустрэчу ў аграгарадку Александрыя, паведамляе прэс-служба прэзідэнта.
Сустрэча працягвалася больш за тры гадзіны. За гэты час Аляксандр Лукашэнка і Дзмітрый Мядзведзеў абмеркавалі ўсе найбольш актуальныя пытанні: двухбаковыя адносіны, эканамічнае супрацоўніцтва, рэгіянальную праблематыку, міжнародны парадак дня.
Дамоўленасць аб правядзенні гэтай сустрэчы была дасягнутая яшчэ ў Сочы ў студзені. Сёння кіраўнік беларускай дзяржавы паказаў расійскаму госцю свае родныя мясціны. Аляксандр Лукашэнка і Дзмітрый Мядзведзеў пачаставаліся натуральным бярозавым сокам, сфатаграфаваліся на памяць ля роднай хаты беларускага лідара, а таксама пабывалі на Трафімавай крыніцы, адноўленай па даручэнні кіраўніка краіны каля трох гадоў таму. Вада ў ёй асвячоная і ўнікальна чыстая па сваіх уласцівасцях. За ёй едуць людзі з усіх навакольных раёнаў, нярэдка тут можна ўбачыць і расіянаў.
Нефармальная сустрэча Аляксандра Лукашэнкі і Дзмітрыя Мядзведзева адбылася пасля заканчэння афіцыйных мерапрыемстваў у Магілёве, дзе сёння прайшло пасяджэнне Савета Міністраў Саюзнай дзяржавы.
Цяпер чытаюць
Як рыхтаваўся візіт Ціханоўскай у Кіеў і чаму ён некалькі разоў пераносіўся9
Каментары