У базе панамскіх афшораў, сярод іншых, згадваецца кампанія VTF BELARUS INC, зарэгістраваная яшчэ ў 1994 годзе.
На гэты факт звярнула ўвагу журналістка Святлана Калінкіна ў сваім «фэйсбуку».
Дырэктар VTF BELARUS INC — Ігар Субоцін. Сярод беларускіх імёнаў у спісе кіраўнікоў таксама прадстаўленыя «Ігар Шаўчэнка» і «Уладзімір Буян» (?).
Ігар Субоцін блізкі да сенатара Аляксандра Шакуціна. У рэйтынгу самых уплывовых і паспяховых бізнэсменаў краіны ён займае 63-е месца.
Субоцін лічыцца памочнікам Шакуціна у савеце рэспублікі (на грамадскіх пачатках), быў намеснікам і ў тэніснай федэрацыі.
Паводле інфармацыі «Ежедневніка», у 1990-ыя Субоцін быў намеснікам дырэктара Мінскага трактара завода. У той час там працаваў і Шакуцін. Яны разам стваралі кампанію «ПМІ-груп» і ўдзельнічалі ў прыватызацыі «Амкадора».
Кампанія «ПМІ Груп» займаецца дыстрыбуцыяй абсталявання і запчастак, мае ў сваім складзе Дзяржынскі мотарамонтны завод.
На момант напісання матэрыяла мабільны тэлефон Ігара Субоціна не быў даступны для каментара.
* * *
Гэты не першы выпадак, калі вядомыя беларусы аказваюцца кіраўнікамі афшорных кампаній.
Напрыклад, бізнэс на Брытанскіх Віргінскіх астравах меў Аляксандр Мятла, блізкі сябар Віктара Шэймана, заснавальнік «Лініі Сталіна» і кіраўнік аб'яднання афганцаў.
Цяпер чытаюць
Максім Знак: Мы з Ціханоўскай зайшлі падаваць скаргу ў кабінет Ярмошынай — але Ярмошынай там не было4
Каментары