У ініцыятыўную групу па правядзенні дэманстрацыі і мітынгу з нагоды 30-й гадавіны аварыі на Чарнобыльскай АЭС увайшлі Партыя БНФ, Партыя «Зялёныя», аргкамітэт па стварэнні БХД, Аб’яднаная грамадзянскай партыя, Рух «За Свабоду» ды прадстаўнікі арганізацыяў грамадзянскай супольнасьці. Аргкамітэт плянуе правесьці дэманстрацыю і мітынг у Мінску 26 красавіка, паведамляе прэс-служба Партыі БНФ.
Ініцыятары Чарнобыльскага Шляху-2016 заклікаюць усе зацікаўленыя палітычныя і грамадскія арганізацыі і ініцыятывы дэлегаваць сваіх прадстаўнікоў у склад аргкамітэта і ўзяць актыўны ўдзел у падрыхтоўцы і правядзенні мерапрыемстваў па адзначэнні трагічнай даты беларускай гісторыі.
Пасяджэнне аргкамітэта адбудзецца 7 красавіка а 14-й гадзіне ў штаб-кватэры Партыі «Зялёныя» адрасе вул. Мельнікайтэ, д. 2, офіс 1803.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары