Беларусь працягне палітыку наладжвання самых цесных адносін з Ватыканам.
Аб гэтым кіраўнік дзяржавы заявіў 4 снежня падчас сустрэчы з Апостальскім нунцыем у Рэспубліцы Беларусь Клаўдыа Гуджэроці, якая адбылася з нагоды завяршэння яго дыпламатычнай місіі ў нашай краіне.
Як адзначыў кіраўнік дзяржавы, у перыяд работы Клаўдыа Гуджэроці ў Беларусі зроблена нямала для наладжвання цесных кантактаў з Ватыканам, з Папам.
«Хачу Вас запэўніць, што мы ад гэтай палітыкі не адыходзім. Калі ў кагосьці там думка, што Лукашэнка пазіцыю змяняе ў дачыненні да католікаў, Каталіцкай царквы і Ватыкана, гэта абсалютна не так. Гэта поўная бязглуздзіца, — заявіў кіраўнік Беларусі. — Мы нічога не мяняем, мы не падлашчваліся ні з каталікамі, ні з праваслаўнымі, ні з іншымі. Мы праводзілі сумленную, шчырую палітыку».
Аляксандр Лукашэнка працягнуў: «Частка нашых грамадзян — гэта католікі, гэта веруючыя людзі. Гэта прынцыповыя людзі, і я паважаю іх пазіцыю».
На думку Лукашэнкі, кожны чалавек павінен сам вызначыцца, па якой дарозе і да якога храму яму ісці. «Я дваццаць гадоў прытрымліваюся гэтай палітыкі, і так будзе заўсёды. Вы хочаце быць католікам? Калі ласка. Хочаце праваслаўным? Не забаронена. Іўдзейскую, мусульманскую прапаведаваць рэлігію, будызм — калі ласка, мы не супраць. Выбірайце любую, мы ніколі не будзем гэтаму перашкаджаць. Не жадаеце ісці ў царкву — не ідзіце. Мы нікога ганяць не будзем і заганяць у царкву не будзем. Чалавек сам павінен вызначыцца».
Звяртаючыся да Апостальскага нунцыя, Аляксандр Лукашэнка таксама адзначыў: «Для вас важна, каб да вас прыйшоў перакананы чалавек, а не проста выпадкам. «Тут — агульначалавечы падыход, Вы яго разумелі, Вы нас у гэтым плане заўсёды падтрымлівалі», — падкрэсліў кіраўнік дзяржавы.
Цяпер чытаюць
Як рыхтаваўся візіт Ціханоўскай у Кіеў і чаму ён некалькі разоў пераносіўся8
Каментары