Злачынца адкрыў агонь з аўтаматычнай зброі па паліцэйскіх і прахожых каля клінікі планавання сям'і ў Каларада-Спрынгс (ЗША). Аперацыя па яго пайманні працягвалася на працягу пяці гадзін. Падазраваны быў заблакаваны ў будынку і ў выніку здаўся паліцыі.
Ахвярамі злачынца сталі тры чалавекі, яшчэ дзевяць атрымалі раненні. У ліку загінулых - адзін паліцэйскі.
Неафіцыйныя крыніцы ў паліцыі назвалі імя злачынцы — гэта 57-гадовы Роберт Дыэр. Яго матывы застаюцца невядомымі.
Дыэр пачаў страляць на паркоўцы каля клінікі, пасля чаго ўвайшоў у будынак. Паліцыя падключылася да сістэмы відэаназірання ў клініцы і праз некаторы час здолела заблакаваць злачынцу ў холе.
У машыне Дыэра знайшлі газавы балон з прымацаванымі да яго правадамі. Меркавана гаворка ідзе пра муляж бомбы. Паліцыя прыступіла да праверкі, каб пераканацца ў яго бяспецы.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты21
Каментары