НАНБ і Раскосмас працуюць над спецыфікацыяй новага беларускага спадарожніка
Найбліжэйшымі месяцамі Нацыянальная акадэмія навук (НАН) Беларусі і Федэральнае касмічнае агенцтва Расіі (Раскосмас) вызначаць тэхнічныя дэталі, знешні воблік і набор функцый, якімі будзе валодаць другі беларускі касмічны спадарожнік дыстанцыйнага зандавання Зямлі, паведаміў журналістам 22 кастрычніка ў Мінску генеральны дырэктар Раскосмаса Ігар Камароў.
Мяркуецца, што новы спадарожнік, які пакуль не мае назвы, атрымае ўдасканаленую аптычную сістэму з распазнавальнай здольнасцю меншай за метр. Гэта дазволіць рабіць здымкі палепшанай якасці, а значыць пашырыць вобласць іх прымянення і спіс патэнцыяльных пакупнікоў.
Запусціць новы беларускі касмічны апарат плануецца не пазней за 2017 год. Расія ж мае намер да 2018 года запусціць чатыры свае спадарожнікі серыі «Канопус-В» з распазнавальнай здольнасцю два метры. Не выключана, што гэтыя пяць аб'ектаў утвораць новую беларуска-расійскую касмічную групоўку, бо праз два гады закончыцца рэсурс Беларускага касмічнага апарата і «Канопуса-В», якія ўваходзяць сёння ў малую групоўку спадарожнікаў.
Паводле слоў Камарова, рыхтуецца бізнес-план праекта стварэння новага беларускага апарата, у прыватнасці ідзе пошук патэнцыяльных рынкаў збыту касмічнай інфармацыі, вызначаецца акупнасць спадарожніка ў цэлым.
Кіраўнік Раскосмаса падкрэсліў, што ў Беларусі ёсць «вельмі цікавыя і перспектыўныя прадпрыемствы, з якімі паспяхова працуе ракетна-касмічная галіна Расіі», гэта «Інтэграл», «Пеленг» і іншыя. «З імі мы працуем і па кампанентнай базе, і па вытворчасці карыснай нагрузкі, у тым ліку для апаратаў дыстанцыйнага зандавання Зямлі ў галіне оптыка-электронных сістэм. Тут мы бачым перспектывы для далейшага супрацоўніцтва», — заявіў Камароў.
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»37
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары