Пентагон абнаўляе план дзеянняў у выпадку магчымага канфлікту з расійскай арміяй. Пра перагледжаную стратэгію Пентагона паведамляецца ў публікацыі часопіса Foreign Policy.
Упершыню з часу распаду СССР ваеннае ведамства ЗША абнаўляе план дзеянняў у выпадку ўзброенага канфлікту з Расіяй. «Расійскае ўварванне ва усходнюю Украіну ператварыла ў пыл ўсе планы ЗША па дзеяннях у непрадбачаных абставінах», — прыводзіць словы ваеннага эксперта, былой намесніцы міністра абароны ЗША Мішэль Флурной аўтар артыкула пад назвай «Пентагон рыхтуе новыя ваенныя планы на выпадак балтыйскай бітвы з Расіяй», апублікаванага ў пятніцу, 18 верасня, на сайце часопіса Foreign Policy.
Паводле дадзеных часопіса, які спасылаецца на высокапастаўленыя крыніцы ў Пентагоне, новыя планы групуюцца па двух напрамках: дзеянні ЗША ў рамках НАТА ў выпадку, калі Расія атакуе аднаго з сяброў альянсу, і самастойныя дзеянні «за межамі натаўскага парасона». У абодвух выпадках «планы факусіруюцца на расейскім уварванні ў краіны Балтыі» з улікам «гібрыднай тактыкі Расіі, выкарыстанай у Крыме і на ўсходзе Украіны».
Як сцвярджаецца ў артыкуле, пасля 1991 года ЗША разглядалі Расію як краіну, што паступова інтэгруюцца ў заходні свет, якая не ўяўляе пагрозы ні для Еўропы, ні для Амерыкі. Нават вайна з Грузіяй у 2008 годзе практычна не памяняла гэты падыход, хоць НАТА пачало ў той час пераглядаць свае адносіны з РФ. Але ўсё змянілася ў 2014 годзе, калі Уладзімір Пуцін паднёс ваенным аналітыкам ЗША «сюрпрыз», паслаўшы «зялёных чалавечкаў» у Крым.
Аналітыкі даследчага цэнтра RAND Corporation прыйшлі тады да высновы, што ў выпадку расейскага нападу на краіны Балтыі, у НАТА не хопіць сіл іх абараніць. Пасля гэтага ваенныя эксперты і спецыялісты Пентагона прыступілі да распрацоўкі магчымага адказу пры неабходнасці адваёўвання акупаваных тэрыторый краін, якія ўваходзяць у альянс, расійскай кібератакі ці нават прымянення тактычнай ядзернай зброі, адзначаецца ў апублікаваным матэрыяле.
Цяпер чытаюць
Анжаліцы Мельнікавай выдалі пашпарт прыкрыцця на імя Ангеліны Радзівонавай?5
Каментары