Кожны можа аддаць свой голас за аднаго з прэтэндэнтаў адзін раз на дзень.
Апоўначы 19 лютага на «Тузіне Гітоў» распачалося афіцыйнае галасаваньне ў намінацыі «Выканаўца году». Па традыцыі ў журы гэтай намінацыі будуць усе наведнікі нашага парталу — кожны можа аддаць свой голас за аднаго з прэтэндэнтаў адзін раз на дзень.
24 лютага апоўначы галасаваньне спыняецца, а ягоны пераможца будзе названы непасрэдна на самой цырымоніі ўзнагароджаньня 29 лютага ў КЗ «Мінск». У сьпіс намінантаў трапілі восем самых яскравых асобаў беларускага року.
Пры складаньні сьпісу прэтэндэнтаў на рок‑карону ў намінацыі «Выканаўца году» ўлічваліся выканаўцы, якія цягам году яскрава засьведчылі сваю творчую актыўнасьць у сваіх праектах і па‑за імі. Аргкамітэт кіраваўся наступнымі крытэрамі: а) прафэсіяналізм, б) удалы сцэнічны імідж і харызма, в) сталая прысутнасьць у інфармацыйнай прасторы.
У выніку ў сьпіс намінантаў трапілі:
‑ Аляксей Шадзько
‑ Сяргей Міхалок
‑ Уладзімер Пугач
‑ Зьміцер Вайцюшкевіч
‑ Віталь Артыст
‑ Лявон Вольскі
‑ Ігар Варашкевіч
‑ Аляксандар Кульлінковіч.
Галасаваць можна ад 0:00 19 лютага да 0:00 24 лютага. Кожны можа аддаць свой голас за аднаго з прэтэндэнтаў адзін раз на дзень. Вынікі будуць абвешчаныя непасрэдна на цырымоніі «Рок‑Каранацыя» 29 лютага ў канцэртнай залі «Мінск»
Цяпер чытаюць
Чаму YouTube выдаліў каналы БелТА, СТБ і АНТ? Вось што вядома17
Каментары