Навіна для ўсіх прыхільнікаў творчасці Генадзя Бураўкіна, хто любіць і памятае Народнага Паэта.
Студыя «Гукапіс» кампаніі «ПРАСТОРА БАЙ» сумесна з Саюзам беларускіх пісьменьнікаў і «Арт-Сядзібай» выпусьціла аўдыёкнігу Генадзя Бураўкіна ў сэрыі «Голас Паэта» з запісамі вершаў розных гадоў, а таксама паэмаў «Хатынскі снег» і «Узнясенне» ў аўтарскім выкананні - амаль тры гадзіны. Падрыхтавалі аўдыёкнігу Алесь Калоша і Валер Мазынскі.
«Да тых, хто застанецца, у мяне адна вялікая просьба: берагчы Беларусь, прадаўжаць тое, што зрабілі і недарабілі яе сыны лепшыя. І спадзявацца, што ўсе мы — і тыя, што былі, і тыя, што будуць, і тыя, што ёсць, — усе мы вечныя. Вечныя ў нашай мове, вечныя ў нашай гісторыі, вечныя ў беларускай зямлі, у беларускім слове»
Генадзь Бураўкін, 20 мая 2014
Паэт Генадзь Бураўкін, сябра незалежнага Саюза пісьменнікаў і Беларускага ПЭН-цэнтра, памёр 30 мая 2014 у Мінску на 78 годзе жыцця.
Новую аўдыёкнігу можна атрымаць бясплатна. Як — паведамляе сайт prastora.by.
Цяпер чытаюць
Былога міліцыянера асудзілі за жаданне ваяваць у Палку Каліноўскага. Пагражала да 15 гадоў калоніі10
Каментары