Затрымана 23-гадовая жыхарка вёскі Жарабковічы Ляхавіцкага раёна, якая падазраецца ў забойстве свайго мужа.
Як паведаміла афіцыйны прадстаўнік упраўлення Следчага камітэта па Брэсцкай вобласці Марына Дранькова, днём 18 красавіка ў кватэры па месцы жыхарства вяскоўка разам з мужам і сваёй маці распівала спіртныя напоі. Паміж мужам і жонкай узнікла сварка. Падчас канфлікту жонка нанесла адзін удар нажом у вобласць грудной клеткі 25-гадоваму мужу, ад якога той памёр на месцы.
Жанчына сама пазваніла ў міліцыю і паведаміла, што яе муж смяротна параніўся, адкрываючы нажом банку з фарбай. Паводле іншай яе версіі, ён загінуў пры падзенні з лесвіцы. Аднак крымінальны характар ранення гэтыя версіі абвергнуў.
Па падазрэнні ва ўчыненні забойства жанчына затрымана і змешчана ў ізалятар часовага ўтрымання. Ляхавіцкім раённым аддзелам Следчага камітэта ў дачыненні да яе распачата справа на падставе ч. 1 арт. 139 КК (забойства). 21 красавіка да падследнай прымененая мера стрымання ў выглядзе змяшчэння пад варту.
З удзелам падазраванай следчымі праведзена праверка паказанняў на месцы. У межах расследавання прызначаны комплекс судовых экспертыз, праведзены допыты сваякоў і суседзяў.
Муж і жонка пражывалі ў трохпакаёвай кватэры катэджа, выдзеленай ім як шматдзетнай сям'і. У сямейнай пары трое дзяцей узростам да трох гадоў, самаму малодшаму — паўгода. Іх 23-гадовая маці знаходзілася ў дэкрэтным адпачынку, 25-гадовы бацька працаваў трактарыстам. Сям'я не была сацыяльна паспяховай.
Паводле рашэння аддзела адукацыі Ляхавіцкага райвыканкама малалетнія дзеці перададзеныя пад часовую апеку сваякам забітага бацькі.
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары