У адміністрацыі прэзідэнта Расіі прапанавалі ўвесці дадатковы падатак на замежныя інтэрнет-кампаніі, якія працуюць у Расіі. Паводле «Ведомостей», гэта пытанне абмяркоўвалася на нарадзе з памочнікам прэзідэнта Ігарам Шчогалевым і прадстаўнікамі Раскамнагляду і Дзярждумы.
Адной з падстаў для такой ініцыятывы сталі паведамленні аб скарзе расійскай пошукавай сістэмы «Яндэкс» на Google. У «Яндэксе» сцвярджаюць, што Google перашкаджае сэрвісам-канкурэнтам на платформе Android.
На думку ўдзельнікаў сустрэчы, такія кампаніі як Google і Apple не даплочваюць падаткі з пакупак у анлайн-крамах AppStore, iTunes і Google Play.
Таксама ўдзельнікі сустрэчы звярнулі ўвагу, што адлічэнні Google у расійскі бюджэт у некалькі разоў меншыя, чым у «Яндэкса», хоць іх долі на пошукавым рынку адрозніваюцца не так значна.
Пра якія-небудзь канкрэтныя рашэнні, прынятыя на сустрэчы, не паведамляецца.
Цяпер чытаюць
Беларуская і расійская арміі на беларускай тэрыторыі трэніруюцца наносіць ядзерны ўдар10
Каментары