Генеральны сакратар НАТА Енс Столтэнберг не бачыць неабходнасці або магчымасці для рашэння аб ваеннай падтрымцы Кіева.
Пра гэта ён заявіў падчас прэс-канферэнцыі напярэдадні сустрэчы кіраўнікоў МЗС альянсу. «НАТА пастаянна выказвае выразную падтрымку Украіны з пачатку крызісу», — падкрэсліў ён.
Енс Столтэнберг нагадаў, што ў альянсу няма магчымасці самастойна даць Кіеву ваенную падтрымку. У той жа час ён не бачыць неабходнасці ў тым, каб прымаць стратэгічнае рашэнне аб дапамозе Украіне з боку дзяржаў — членаў альянсу.
«У аўторак мы запусцім працу чатырох траставых фондаў НАТА для Украіны», — паведаміў генеральны сакратар.
На яго думку, альянс павінен спрабаваць змяніць паводзіны Расіі шляхам яе ізаляцыі.
«У Расіі ёсць выбар ці яна працягвае парушэнне міжнароднага права і становіцца ўсё больш і больш ізаляванай, ці яна вяртаецца да выканання міжнародных дамоўленасцей і сваіх абавязацельстваў і вернецца да супрацоўніцтва са светам», — заявіў Енс Столтэнберг.
Цяпер чытаюць
Для каго сабраліся будаваць велізарны вантавы мост у Мінску?3
Каментары