Дэпутат ад партыі «Адзіная Расія» Аліна Кабаева сыходзіць з Дзярждумы. Камітэт Дзярждумы па рэгламенце рэкамендаваў ніжняй палаце парламента задаволіць яе просьбу аб датэрміновым спыненні паўнамоцтваў.
Па словах кіраўніка камітэта Сяргея Папова, сыход Кабаевай звязаны з «пераходам на іншую працу». Чым яна будзе займацца ў далейшым, Папоў не ўдакладніў. Ён таксама паведаміў, што аналагічныя звароты паступілі ад дэпутатаў-адзінаросаў Аляксандра Багамазова і Віктара Зубарава.
31-гадовая Аліна Кабаева з'яўлялася дэпутатам Дзярждумы пятага (2007—2011) і шостага (з 2011 года) скліканняў ад партыі «Адзіная Расія». У мінулым яна прафесійна займалася мастацкай гімнастыкай, заваявала бронзу на Алімпіядзе-2000 і золата на Алімпійскіх гульнях 2004 года. Таксама Кабаева двойчы станавілася абсалютнай чэмпіёнкай свету, а таксама носіць тытул пяціразовай абсалютнай чэмпіёнкі Еўропы і шасціразовай абсалютнай чэмпіёнкі Расіі.
Цяпер чытаюць
Латушка перамог усіх на выбарах у Каардынацыйную раду13
Латушка перамог усіх на выбарах у Каардынацыйную раду
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары