Найбуйнейшая ў свеце авіякампанія-лаўкостэраў Ryanair цяпер будзе прапаноўваць паслугі бізнэс-класа. Гэта робіцца для таго, каб павысіць продажы і прыцягнуць больш заможных падарожнікаў.
Квіткі Business Plus будуць каштаваць ад 69,99 еўра (92$) і болей, піша Guardian.
У самалётах не з'явяцца больш прасторныя крэслы або фіранкі, якая аддзяляюць адны месцы ад іншых. Пасажырам, якія набылі паслугу, будуць прапаноўваць больш зручныя месцы з дадатковымі месцамі для ног у пачатку і ў канцы салона, якія, акрамя таго, дазваляюць першымі пакінуць самалёт пасля прызямлення. Таксама гарантуецца бясплатнае месца для 20 кг багажу (звычайным пасажырам неабходна даплаціць за гэта 41,5$).
Уладальнікі бізнес-білетаў змогуць прайсці паскораны дагляд у зоне бяспекі ў шэрагу аэрапортаў і атрымаюць прыярытэт пры пасадцы. Звычайна за гэтую опцыю пасажыры Ryanair даплочвалі 16,6$.
Ежу і напоі на борце па-ранейшаму трэба будзе купляць за грошы.
Увядзенне новай паслугі звязана з падзеннем даходаў авіякампаніі летась. Гэта адбылося ўпершыню за пяць гадоў у той час, як асноўны канкурэнт, easyJet прадэманстраваў выдатныя тэмпы росту (тут ужо існуе бізнес-клас).
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары