Адзін з мікрааўтобусаў з дзецьмі быў абстраляны тэрарыстамі ДНР са стралковай зброі.
Учора на ўчастку трасы Данецк-Валнаваха баявікі «ДНР» абстралялі мікрааўтобус з дзецьмі, якіх эвакуіравалі з дзіцячых дамоў Данбаса. Пра гэта паведаміў кіраўнік Цэнтра ваенна-палітычных даследаванняў, каардынатар групы «Інфармацыйны супраціў» Дзмітрый Тымчук на сваёй старонцы ў Facebook.
Як аказалася, па папярэдняй дамоўленасці з кіраўніцтвам ДНР, з Данецка ў Марыупаль везлі выхаванцаў дзіцячага дома.
Дзеці, якіх эвакуіравалі з Данецка, даехалі да Марыупаля без якіх-небудзь траўмаў.
Пра гэта сёння ў час прэс-канферэнцыі паведаміла Упаўнаважаная Вярхоўнай Рады па правах чалавека Валерыя Луткоўская, перадае УНІАН.
«Усе дзеці, якія выехалі з горада Данецка, даехалі да Марыупаля без якіх-небудзь траўмаў. Тое ж датычыцца і выхавальнікаў, якія ехалі з імі.
Сапраўды, быў выпадковы абстрэл гэтага аўтобуса. Снарады разарваліся побач, але ўсе дзеці, якія выехалі з Данецка, усё жывымі і цэлымі даехалі да Марыупаля», — падкрэсліла яна, адзначыўшы, што ўсяго выехала 81 дзіця.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3
Каментары