Партыю польскіх яблык канфіскавалі з крамаў у Швецыі. У гатунку Gala выявілі высокатаксічнае рэчыва дыметаат. Польская кампанія, якая паставіла іх у Скандынавію, прадала таксама амаль 30 тон яблыкаў Беларусі і Расіі. Гэтыя яблыкі можна знайсці ў вольным продажы на прылаўках тэрыторыі нашай краіны.
Як выглядае сорт Gala (Галя, Гала)? Гэта чырвонабокія, не пляскатыя, а круглыя яблыкі з даволі выразнымі чырванаватымі палоскамі.
Яны не позневосеньскія, таму цяпер ужо спелыя і пераспелыя. Праблема ў тым, што сорт Гала (новазеландскай селекцыі, дарэчы) мае шмат падвідаў і мутантаў, трохі чырванейшых ці бялейшых. Але ўсе яны захоўваюць у нейкай ступені асноўныя прыкметы.
Ці варта баяцца іншых магазінных яблык, польскіх і няпольскіх? Рыхтык у той ступені, у якой увогуле баіцеся крамных прадуктаў.
Нават у беларускіх прамысловых садах яблыні пырскаюць пестыцыдамі да 10 разоў за сезон. Але лічыцца, што гэта не шкодзіць чалавеку, бо атрута выветрываецца. Вядома ж, у сваім садзе яблыкі лепшыя.
Цяпер чытаюць
Максім Знак: Мы з Ціханоўскай зайшлі падаваць скаргу ў кабінет Ярмошынай — але Ярмошынай там не было5
Каментары