У інтэрнэце збіраюць подпісы пад петыцыяй на імя прэзідэнта Расіі Уладзіміра Пуціна за пазбаўленне музыканта Андрэя Макарэвіча звання народнага артыста Расіі і ордэна «За заслугі перад Айчынай» за яго актыўную падтрымку Украіны.
«Расія адчувае ціск з боку ЗША і Еўрасаюза, з-за прынятага рашэння падтрымаць народ Украіны, у прыватнасці Крыма і Севастопаля. Мы ўсе ведаем, што падзеі ва Украіне былі падрыхтаваны і ажыццёўлены ЗША, пры садзейнічанні Еўрасаюза. Нельга кідаць на разарванне фашысцкіх вылюдкаў рускамоўнае насельніцтва Украіны. Гэта рускія людзі! Гэта проста — людзі! І ніхто не мае права заахвочваць забойствы нявінных людзей», - сказана ў петыцыі.
Аўтары дакумента сцвярджаюць, што Макарэвіч выкрыкваў бандэраўскія лозунгі. На дадзены момант петыцыя сабрала звыш 9000 подпісаў.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары