Недахоп фінансавання мерапрыемстваў па пераадоленні наступстваў аварыі на ЧАЭС складае прыблізна 4 трлн рублёў
Недахоп фінансавання мерапрыемстваў па пераадоленні наступстваў катастрофы на ЧАЭС складае прыкладна 4 трлн. рублёў, паведаміў начальнік дэпартамента па ліквідацыі наступстваў катастрофы на Чарнобыльскай АЭС Міністэрства па надзвычайных сітуацыях Уладзімір Чэрнікаў 7 лютага на калегіі паводле вынікаў працы ведамства ў 2013 годзе.
Згодна са словамі Чэрнікава, у 2014 годзе на рэалізацыю дзяржаўнай праграмы па пераадоленні наступстваў катастрофы на ЧАЭС на 2011—2015 гады і на перыяд да 2020 года плануецца накіраваць 3,6 трлн. рублёў. Недахоп фінансавання на рэалізацыю дзяржпраграмы сёлета складае 1,6 трлн. рублёў, а з улікам недахопу сродкаў летась — прыкладна 4 трлн., адзначыў Чэрнікаў.
«Насуперак канцэпцыі дзяржаўнай праграмы Міністэрства фінансаў з 2012 года вызначае памер сродкаў, якія перадаюцца з рэспубліканскага бюджэту на фінансаванне мерапрыемстваў па пераадоленні наступстваў аварыі на ЧАЭС, і размяркоўвае іх па абласцях прапарцыянальна колькасці насельніцтва», — дадаў кіраўнік дэпартамента.
Паводле яго слоў, такі падыход можа прымяняцца ў сферы сацыяльнай абароны насельніцтва, але не падыходзіць для рэалізацыі засцерагальных мер на забруджаных тэрыторыях. «Ужо другі год пры разліку ўдзельнай вагі кожнай вобласці прымяняецца гэты нічым не абгрунтаваны падыход. У выніку сродкі размяркоўваюцца на карысць тэрыторый з меншым узроўнем радыяцыйнага забруджання, але большай колькасцю насельніцтва», — адзначыў Чэрнікаў.
Ён лічыць, што планаванне аб'ёмаў фінансавання засцерагальных мерапрыемстваў не павінна ажыццяўляцца без уліку іх прыярытэту. «І сёлета ў выніку недастатковага фінансавання ў Брэсцкай, Гродзенскай, Мінскай і Магілёўскай абласцях робяцца спробы сэканоміць на радыяцыйнай бяспецы, пераразмеркаваўшы сродкі з гэтага раздзела на капітальнае будаўніцтва», — сказаў Чэрнікаў.
Паводле звестак дэпартамента, у 2013 годзе на выкананне мерапрыемстваў дзяржпраграмы было накіравана 3,35 трлн. рублёў, у тым ліку ў выглядзе субвенцый абласным і Мінскаму гарадскому бюджэту перададзена 2,88 трлн. рублёў.
-
«Калі ты знаходзішся сам-насам з сабой, хочацца расплакацца, успамінаючы ўсё». Ірына Шчасная пра жыццё на волі і валанцёрства ва Украіне
-
Прадпрымальнік, звязаны з атачэннем Лукашэнкі, валодае адным з самых дарагіх рэстаранаў у Вільні і гатэлем у Троках
-
Дашкевіч чакае ад Бабарыкі і Калеснікавай публічнага прызнання памылак
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3
Каментары