У аўторак, 15 кастрычніка, у Еўропе быў завершаны кваліфікацыйны групавы турнір чэмпіянату свету па футболе, што пройдзе наступным летам у Бразіліі.
Такім чынам на чэмпіянат едуць: Бельгія, Італія, Германія, Нідэрланды, Швейцарыя, Расія, Боснія, Англія, Іспанія.
У стыкавых матчах згуляюць: Харватыя, Швецыя, Румынія, Ісландыя, Партугалія, Грэцыя, Украіна, Францыя.
Адна з сенсацый стыкаў: зборная Ісландыі, якая здолела апярэдзіць у сваёй групе славенцаў і нарвежцаў і прапусціла наперад толькі Швейцарыю. А вось Данія, што фінішавала ў сваёй групе 2-й, у стыкі не трапіла, у яе найменшая колькасць балаў сярод камандаў другіх месцаў.
Лёсаванне пройдзе 21 кастрычніка. Самі матчы плэй-оф адбудуцца 15 і 19 лістапада.
Нагадаем, што зборная Беларусі ў групавым турніры заняла апошняе 5-е месца: Іспанія — 20, Францыя — 17, Фінляндыя — 9, Грузія — 5, Беларусь — 4.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары