Нігерыйская футбольная федэрацыя (NFF) пажыццёва дыскваліфікавала ўсіх удзельнікаў двух матчаў аматарскай лігі, якія скончыліся з лікам 79:0 і 67:0. Клубы, якія прымалі ўдзел у гульні, дыскваліфікаваныя на 10 гадоў.
У заяве NFF адзначаецца, што імёны і фатаграфіі футбалістаў і суддзяў, якія абслугоўвалі матчы, будуць апублікаваныя.
Матчы «Плата Юнайтэд Фіджэрс» — «Акурба» (79:0) і «Поліс Машын» — «Бабаяра» (67:0) прайшлі ў пачатку ліпеня. «Плата Юнайтэд Фідэрс» і «Поліс Машын» змагаліся за першае месца ў плэй-оф чацвёртага дывізіёна аматарскай лігі (шосты па значнасці дывізіён чэмпіянату Нігерыі).
Перад матчамі апошняга тура паказчыкі гэтых каманд былі роўнымі, таму павышэнне ў класе павінен быў атрымаць клуб, які выйграе свой матч з больш буйным лікам.
«Плата Юнайтэд Фідерс» у першым тайме забіў сем мячоў,
а ў другой палове сустрэчы адправіў мяч у сетку варот суперніка яшчэ 72 разы. Футбалісты «Поліс Машын» выйгралі ў першым тайме з лікам 6:0, а пасля перапынку забілі 61 гол.
Калі б вынікі гульняў былі пакінутыя ў сіле, гэтым клубам стаў бы «Плата Юнайтэд Фідэрс». Аднак кіраўніцтва лігі аператыўна адмяніла вынікі абедзвюх сустрэч.
Уладальнік «Бабаяра» Шуаібу-Гара Ахмед Гомбе пасля матчу з «Фідэрс» заявіў, што ён рэкамендаваў камандзе не прымаць удзелу ў гульні, аднак супрацоўнікі клуба адмовіліся выконваць яго ўказанне. Пасля матчу Гомбе заявіў, што распускае каманду і запатрабаваў ад паліцыі расследаваць абставіны гульні.
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары