Набыў моц прысуд у дачыненні да35-гадовай жыхаркі Гомеля, якая абвінавачвалася паводле часткі 3 артыкула 209 Крымінальнага кодэкса Беларусі (махлярства ў буйным памеры). Пацярпелым па справе праходзіў50-гадовы грамадзянін Аўстраліі.
Як паведаміла пракурор аддзела пракуратуры Гомельскай вобласці Ірына Курбацкая, жанчына запрасіла ў госці мужчыну, з якім пазнаёмілася праз інтэрнэт. Прыбыўшы ў аэрапорт у Мінску, замежны грамадзянін сеў у машыну да знаёмага гамяльчанкі, які адвёз яго ў Гомель, аднак назваў яго Слаўгарадам.
У Гомелі жанчына павяла аўстралійца ў банк, каб зняць з яго рахунку грошы, якія нібыта неабходна заплаціць за рэгістрацыю (больш як 4 тысячы даляраў).Усю суму гамяльчанка забрала сабе, а замежнага грамадзяніна адправіла ў Магілёў, каб ён адзначыўся ў гасцініцы, якая была забраніравана на яго імя. Калі аўстраліец тэлефанаваў сяброўцы з Магілёва, яна ўжо не адказвала на яго тэлефонныя званкі. Мужчына зразумеў, што яго ашукалі, і звярнуўся ў міліцыю.
Махлярка растлумачыла, што выкарыстоўвала выдуманае імя і назву горада, бо баялася малазнаёмага мужчыны з Аўстраліі.Гамяльчанка была неўзабаве затрымана. Яна адразу вярнула замежнаму грамадзяніну практычна ўсю суму, і ён паехаў дамоў. Падчас следства і на судзе жанчына не прызнала сваю віну, заявіўшы, што аўстраліец добраахвотна і свядома перадаваў ёй грошы.
Абвінавачваная абскардзіла прыгавор першай інстанцыі, але абласны суд пакінуў яго ў сіле — два гады пазбаўлення волі.
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»12
Каментары