Śledčaja kamisija suśvietnaha banku pryznała ŭ aŭtorak, što Vułfavic parušyŭ etyčnyja praviły Banku, bieručy niepasredny ŭdzieł u pavyšeńni zarobku svajoj kalažanki Šachy Ryzy.
U noč z 17 na 18 traŭnia staršynia Suśvietnaha Banku Poł Vułfavic zajaviŭ, što 30 červienia sydzie z svajoj pasady. Bank nieadkładna pačaŭ šukać zamienu.
Zvalnieńnie Vułfavica jość vynikam pahadnieńnia, zaklučanaha im z kiraŭnictvam banku. Paśla sychodu z pasady, jakaja ličycca adnoj z najbolš upłyvovych u śviecie, Vułfavic atrymaje 375 tys. dalaraŭ dapamohi — svoj hadavy zarobak.
Śledčaja kamisija suśvietnaha banku pryznała ŭ aŭtorak, što Vułfavic parušyŭ etyčnyja praviły Banku, bieručy niepasredny ŭdzieł u pavyšeńni zarobku svajoj partnerki Šachy Ryzy, jakaja pracavała ŭ Suśvietnym banku.
Praz try miesiacy paśla prychodu Vułfavica u červieni 2005 h. na pasadu staršyni Ryza była pieraviedzienaja ŭ Dziarždepartament ZŠA — z tym, kab paźbiehnuć «kanfliktu intaresaŭ». Adnak jana zastałasia ŭ śpisie zarobkaŭ Suśvietnaha banku. Z nahody pieravodu jejny zarobak byŭ pavyšany z 133 tys. dalaraŭ u hod da 180 tys. dalaraŭ, a paśla jašče ŭzros da 193,59 tys. dalaraŭ. Dziakujučy hetamu jana zarablała bolej, čym jaje načalnica — dziaržsakratarka ZŠA Kandaliza Rajs. Vułfavic doŭhi čas nie pryznavaŭ svaju vinu.
Kamientary