Staršynia Jeŭrapiejskaha parłamienta Marcin Šulc zaklikaŭ vyzvalić Siarhieja Kavalenku.
Staršynia Jeŭrapiejskaha parłamienta Marcin Šulc zaklikaŭ vyzvalić aktyvista
Šulc abmiarkoŭvaŭ situacyju ŭ Biełarusi padčas sustrečy ŭ jeŭrakamisaram u pytańni pašyreńnia i palityki jeŭrapiejskaha susiedstva Štefanam Fiule. Paśla sustrečy Marcin Šulc zrabiŭ nastupnuju zajavu: «
Mianie žachaje ŭsio horšaja situacyja z pravami čałavieka i palityčnymi svabodami ŭ Biełarusi. Ruki biełaruskich uładaŭ buduć u kryvi, kali jon pamre.
Praciahłaja haładoŭka źniavolenaha apazicyjnaha aktyvista Siarhieja Kavalenki padkreślivaje parušeńni demakratyčnych pryncypaŭ i niepavahu da viaršenstva zakonu.
Žyćcio Kavalenki ciapier pad pahrozaj u suviazi z haładoŭkaj suprać jaho niespraviadlivaha źniavoleńnia. Ja zaklikaju biełaruskija ŭłady vyzvalić jaho nieadkładna i biezumoŭna, i zabiaśpiečyć jamu nieabchodnuju miedyčnuju dapamohu.
Ja paŭtaraju svoj zaklik vyzvalić i reabilitavać ŭsich astatnich palityčnych źniavolenych, u tym liku dvuch byłych kandydataŭ u prezidenty Mikałaja Statkieviča i Andreja Sańnikava, vybitnaha pravaabaroncu Alesia Bialackaha,apazicyjnych aktyvistaŭ Dźmitryja Bandarenku, Mikałaja Aŭtuchoviča, Dźmitryja Daškieviča, dy inšych.
Ja taksama chacieŭ by paŭtaryć svoj asabisty zvarot da prezidenta Łukašenki, pamiłavać Uładzisłava Kavalova i Dźmitryja Kanavałava, jakija čakajuć śmiarotnaha pakarańnia,paśla taho jak Viarchoŭny Sud Biełarusi zaćvierdziŭ ich prysud. My vystupajem suprać śmiarotnaha pakarańnia ŭ lubych abstavinach, i my zaklikajem Biełaruś, apošniuju krainu ŭ Jeŭropie, jakaja vykarystoŭvaje jaho, uvieści maratoryj na śmiarotnaje pakarańnie.
Jeŭraparłamient vykaža hłybokuju zakłapočanaść pa hetych spravach u rezalucyi ŭ hety čaćvier.My hłyboka škadujem, što takaja pazicyja ŭładaŭ zachoŭvaje adnosiny pamiž Biełaruśsiu i Jeŭraźviazam zamarožanymi.
Hramadzianie Biełarusi zasłuhoŭvajuć lepšaha. Jeŭraparłamient vielmi padtrymlivaje hramadzianskuju supolnaść i demakratyčnyja imknieńni biełaruskaha narodu, i zaachvočvaje ŭłady ŭ Minsku pazityŭna adreahavać na prapanovu Jeŭraźviazu spraścić vizavy režym dla biełaruskich hramadzian».
Siarhiej Kavalenka haładaje ad 19 śniežnia. Heta jahony pratest suprać kryminalnaha abvinavačańnia.Aktyvista vinavaciać u parušeńni režymu adbyvańnia «chatniaj chimii» — umoŭnaha pakarańnia, prysudžanaha jamu za
Kamientary