Barys Batura ličyć, što ŭradu varta vychodzić na realny kurs asnoŭnych valut i pavyšać ceny na pradukcyju sielskaj haspadarki.
Barys Batura ličyć, što ŭradu varta vychodzić na realny kurs asnoŭnych valut i pavyšać ceny na pradukcyju sielskaj haspadarki.
Pra heta staršynia Minskaha abłvykankama zajaviŭ u intervju interfax.by.
- Treba pryznać, što zadańni, asabliva pa zamiežnaekanamičnaj dziejnaści, vykonvać dosyć składana pry takim stanie valutnaha rynku. Adbivajucca nastupstvy kryzisu toj palityki, jakaja pravodziłasia raniej uradam i Nacyjanalnym bankam, - skazaŭ Barys Batura, adznačyŭšy, što ŭ Minskaj vobłaści šmat pradpryjemstvaŭ, jakija zajmajucca pastaŭkami krytyčnaha impartu.
Kiraŭnik Minabłvykankama ličyć, što
ŭradu varta vyśvietlić realny kurs valut.
- Da hetaha času zastajecca sprečnym pytańnie pra toje, ci varta adkryvać na valutnaj biržy druhuju siesiju tarhoŭ. Jak vynik my b atrymali realny kurs asnoŭnych valut. Mnie zdajecca, u hetym kirunku treba ruchacca jak maha chutčej. Usio roŭna my biez hetaha nie abydziemsia, - zajaviŭ jon.
Barys Batura ličyć, što
siońniašniaj situacyi nieabchodnaje pavyšeńnie cenaŭ na pradukcyju sielskaj haspadarki.
- Ceny dla sielskaj haspadarki na haruča-zmazačnyja materyjały, enierharesursy rastuć, a na pradukcyju sielskaj haspadarki roźničnyja ceny faktyčna zamarožanyja... Miž tym, nichto nie admaŭlaje, što siońnia hetaja pradukcyja niearhanizavana vyvozicca nasielnictvam u najbližejšyja rehijony susiednich dziaržavaŭ. My ličym, što tut patrebnaja paśladoŭnaja ŭzvažanaja palityka pa pavyšeńni ŭnutranych cenaŭ, u tym liku na pradukty charčavańnia, - adznačyŭ jon.
Pry hetym Barys Batura pryznaŭ, što ŭzrovień dachodaŭ nasielnictva rezka ŭpaŭ.
- Viadoma, nikomu nie spadabajecca, kali adbyvajecca devalvacyja nacyjanalnaj valuty i rastuć ceny. Uzrovień dachodaŭ nasielnictva rezka ŭpaŭ. Ale tym nie mienš zachady, zrobleny apošnim časam z boku ŭrada, kiraŭnika dziaržavy, u niekatoraj stupieni padtrymali nieabaronienyja płasty nasielnictva. U Minskaj vobłaści, jak i ŭ cełym pa krainie, sioleta dvojčy zroblenyja pieraraźliki minimalnych pracoŭnych i sacyjalnych piensij, a taksama nadbavak i pavyšeńniaŭ da piensij u suviazi z pavieličeńniem biudžetu pražytačnaha minimumu, - zajaviŭ staršynia Minabłvykankama.
Kamientary