Pieramožcam14-ha turniru pa futbole «Kubak Svabody» pamiaci palityka Hienadzia Karpienki stała kamanda Biełaruskaj partyi levych «Spraviadlivy śviet». U finalnym matčy jana pieramahła kamandu ruchu «Za Svabodu» ź likam 3:1.
Biełaruskija levyja stanoviacca pieramožcami turniru druhi hod zapar.
Kamanda Partyi BNF u matčy za treciaje miesca ź likam 5:2 pieramahła zbornuju Biełaruskaj asacyjacyi žurnalistaŭ.
Pavodle vynikaŭ turniru BAŽ uručyła Partyi BNF tradycyjny pryz «Trymajsia praŭdy» — «za sumlenny i ščyry futboł».
Sioleta ŭdzieł u turniry brali šeść kamand — Ab`iadnanaj hramadzianskaj partyi, Biełaruskaj partyi levych «Spraviadlivy śviet», Partyi BNF, ruchu «Za Svabodu», Biełaruskaj asacyjacyi žurnalistaŭ i arhkamiteta partyi «Biełaruskaja chryścijanskaja demakratyja». Apošniaja ź`iaŭlajecca debiutantam. U turniry ŭdzielničali viadomyja palityki Anatol Labiedźka, Jarasłaŭ Ramančuk, Aleś Łahviniec, Juryj Mielaškievič i inšyja.
Kamientary