Prapahandysty pakazali šeść biełarusaŭ, aryštavanych za danaty. Bolšaść ź ich pieravodzili niaznačnyja sumy

Jahor Vołkaŭ

Pavialičyć

Jahor Vołkaŭ — 55-hadovy biznesoviec ź Minska. Jon kiruje bujnoj kampanijaj, jakaja zajmajecca hruzapieravozkami. Na ANT jaje nazyvajuć samaj bujnoj u krainie.

Pravaabaroncam było viadoma, što jaho asudzili na try hady za fota z pratestaŭ i nievialiki danat. Taksama viadoma, što jaho zmusili pieravieści hrošy na rachunki dziaržaŭnych miedycynskich ustanovaŭ.

Ź filma ANT vynikaje, što suprać Vołkava zaviali novuju spravu. Ciapier jaho vinavaciać u danatach pamieram 11 tysiač dalaraŭ u kryptavalucie na rachunki Pałka Kalinoŭskaha, a taksama ŭ tym, što jon nibyta abychodziŭ padatki. Artykuły, pa jakich jaho abvinavačvajuć, nieviadomyja.

Vasil Areška

Pavialičyć

Vasil Areška, pra jakoha my pisali raniej, pieravioŭ zusim nievialikuju sumu Pałku Kalinoŭskamu i niekatorym inšym arhanizacyjam, jakija nie nazyvajucca. Miarkujučy pa skrynšotach ź filma, rabiŭ jon heta ŭ tym liku praz Patreon. My pisali hruntoŭny artykuł pra toje, jak abaranić svoj akaŭnt tam — pračytać jaho možna tut.

Alaksiej Pieravierzieŭ

Pavialičyć

Alaksieju Pieravierzievu 26 hadoŭ. Jon minčuk. Pa źviestkach ź videa ANT, niadaŭna adsłužyŭ u armii.

Pieravierzieva vinavaciać u tym, što jon pieravioŭ 50 dalaraŭ na Połk Kalinoŭskaha. U videa jon kaža, što padtrymaŭ niejki humanitarny zbor.

Ihar Halcoŭ

Pavialičyć

40-hadovy prahramist z Mahilova. U 2013-m hodzie skončyŭ Biełaruska-rasijski ŭniviersitet, advučyŭsia na inžyniera. Śpiecyjalizujecca na pracy z płatformaj Magento, jakaja vykarystoŭvajecca dla stvareńnia internet-kram i arhanizacyi anłajn-handlu. U jaho jość maleńkaja dačka i žonka.

Ihar Halcoŭ pieravioŭ na jutub-kanał «Lusterka» kala 50 dalaraŭ praz «Patreon». Adbyłosia heta ŭ 2023 hodzie.

Dźmitryj Chamiankoŭ

Pavialičyć

Dźmitryj Chamiankoŭ — 39-hadovy hamialčuk. Jon prahramist. Miescam apošniaj pracy Chamiankova ŭ Linkedin paznačanaja Expert Software Development. Jon nie zachacieŭ rełakavacca ŭ 2022 hodzie.

Pa źviestkach ź filma ANT, Chamiankova abvinavačvajuć u «finansavańni ekstremisckaj dziejnaści». Jon rabiŭ pieravody ŭ kryptavalucie. Paviedamlajecca, što jaho zatrymali naprykancy 2024 hoda, pakul chłopiec za kratami, u jaho pamierła babula.

Natalla Levaja

Pavialičyć

U filmie raspaviali novyja padrabiaznaści spravy Natalli Levaj. Jaje vyklikali ŭ KDB za čatyry danaty. Ale vyjaviłasia, što jana rabiła jašče 13 danataŭ na ahulnuju sumu 3800 rubloŭ «na rachunki ekstremisckich i terarystyčnych arhanizacyjaŭ».

Natalla vydaliła svoj kašalok. Ale, vidać, nie zusim — siłaviki kažuć, što jana «zašyfravała fajł z parolem ad kašalka z dapamohaj fatašopa». A supracoŭniki KDK byccam by adšukali kryptakašalok i atrymali da jaho dostup. Ale vyhladaje tak, što siłaviki zahadzia viedali pra toje, što kašalok naležyć joj.

U artykule pra kryptavaluty my raili vydalać kašalki biasśledna (sa strataj dostupu) i čyścić ślady vykarystańnia biržaŭ, a taksama nie śviacić vašy kašalki publična. Heta adzinaje, što moža vyratavać ad uznaŭleńnia kašalka — kali vy nie majecie da jaho dostup, to nichto nie maje.

• 2
• 0
• 0
• 4
• 1
• 12
• 38
• 0