Alhierd Bacharevič atrymaŭ Lajpcyhskuju knižnuju premiju jeŭrapiejskaha parazumieńnia
26 sakavika na scenie kancertnaj zały Hievandchaus u Lajpcyhu biełaruski piśmieńnik Alhierd Bacharevič byŭ uhanaravany adnoj z najprestyžniejšych litaraturnych premij Jeŭropy — Lajpcyhskaj knižnaj premijaj za jeŭrapiejskaje parazumieńnie, paviedamlaje Reform.news.
Dziaržaŭnaja ministarka kultury i turyzmu Saksonii Barbara Klepš uručyła aŭtaru ŭznaharodu za jahony raman «Sabaki Jeŭropy».
Žury premii vyłučyła hety tvor Alhierda Bachareviča siarod inšych pretendentaŭ adnahałosna. «Niemahčyma z bolšaj žarściu napisać pra Jeŭropu», — adznačyła niamiecki palityk na cyrymonii.
Aŭtarkaj laudatio — uračystaj pramovy ŭ honar aŭtara — vystupiła šviejcarski litaraturny krytyk i redaktarka Zihlinde Hajzel.
Sam aŭtar vystupiŭ padčas uručeńnia premii z pramovaj padziaki na niamieckaj movie.
«My nie musim zdradzić svabodzie dziela fikcyi miru, u imia kampramisu z dyktataram. Usio, što nam zastajecca — trymacca jeŭrapiejskich kaštoŭnaściaŭ, jak by nas ni imknulisia pierakanać, što ich čas minuŭ. Kaštoŭnaści nie mianiajuć u zaležnaści ad voli tyranaŭ. Demakratyčnych impieryj nie isnuje», — skazaŭ u hetaj pramovie Bacharevič.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy69
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary