Usiaho patrochu1111

Što pahladzieć u navahodniuju noč na biełaruskim jutubie? Alternatyŭnaja prahrama pieradač

Što pahladzieć u navahodniuju noč, kali nie chočaš vypadkova pačuć ź dziasiatak piesień aŭtarstva Hanny Siałuk i pabačyć sterylnyja «błakitnyja ahieńčyki»? Sabrali ŭ padborku śviatočnyja biełaruskija prahramy. Muzyka, žarty, palityčnyja prahnozy — jość usio!

Zastaŭka navahodniaha efiru «Zvyčajnaha ranku»

«Biełsat»

Svaju zabaŭlalnuju prahramu na navahodni viečar pa tradycyi padrychtavaŭ telekanał «Biełsat».

Pačniecca ŭsio ŭ 21:30 pa minskim časie z histaryčnaj viktaryny ad prahramy «Vusy Skaryny». Admysłova na Novy hod zvykły farmat źmianili na zabaŭlalnaje šou. Mikita Miełkazioraŭ, Maryna Mientusava, Liza Vietrava i Alaksandr Ivulin buduć adkazvać na pytańni historyka Cimafieja Akudoviča i spaborničać za ŭznaharodu najlepšaha znaŭca historyi.

Potym u 22:15 śviatočny vypusk prahramy «Chaj Tak TB» źbiare kamandu isnych i byłych viadoŭcaŭ, jakija padrychtavali dla hledačoŭ šmat žartaŭ i muzyčnych padarunkaŭ.

U 22:50 muzyčny viečar raspačnie Dzianis Dudzinski. Zapłanavany navahodni kancert z udziełam Lavona Volskaha, «J:Mors», «RSP», Zui, «Kriwi», Ketevan, Hieorhija Dabro, Pomidoroff, Lear.

Za 12 chvilin da novaha hoda budzie zvarot Śviatłany Cichanoŭskaj.

A novy, 2025 hod, pačniecca z šalonaha dj-seta ad PapaBo.

U 00:35 u efiry budzie śviatočny kancert ad prahramy «Mova nanova», jaki pieraniasie hledačoŭ na tradycyjnaje biełaruskaje zastolle. Možna budzie praśpiavać ulubionyja narodnyja pieśni. Pahatoŭ usio heta budzie adbyvacca ŭ farmacie karaokie.

«Biełsat» abiacaje muzyku, pieśni, tancy da samaj ranicy.

«Hodna»

Navahodni vypusk budzie i na YouTube-kanale «Hodna». Jaho viadučaj stanie Liza Vietrava, a haściami — Michaś Zuj, Kryścina Drobyš, Michaś Iljin, Nastaśsia Dol, Ketevan, Alaksandr Ivulin. Za muzyku adkazvajuć Nastaśsia Rydleŭskaja, NOCHY, Swada x Niczos.

Pačniecca jutub-šou ŭ 19:00 pa minskim časie.

«O(b)suždajem»

Śviatočny vypusk šou «O(b)suždajem». Skrynšot videa na YouTube-kanale «Etot Prus»

Charyzmatyčnyja viadučyja Ivan Prus i Hleb Siamionaŭ u svaim styli padviaduć vyniki hoda.

— Novy hod niesumiaščalny ź cišynioj: vam praśpiavaje Nastaśsia Rydleŭskaja (heta kavier na Santa Baby Erty Kit), a my stancujem — dahledzicie vypusk da kanca. A jašče padnimicie kielichi, pavinšujcie siabra ŭ kamientaryjach, zahadajcie žadańnie i čakajcie nas praź miesiac-druhi, — voś takuju ​​prahramu abiacajuć chłopcy.

Vypusk užo dastupny.

«Obyčnoje utro»

Z 27 pa 30 śniežnia pa viečarach viadučyja «Obyčnoho utra» pravodzili śviatočnyja strymy na YouTube. U hości da Maryny Mientusavaj i Kanstancina Kavieryna prychodzili Śviatłana Cichanoŭskaja, Lavon Volski, Dzianis Dudzinski, Liza Vietrava, Roza Turarbiekava, «čynoŭniki» ČynČyny i inšyja cikavyja biełarusy.

Kožnaje videa doŭžycca prykładna dźvie z pałovaj hadziny — to-bok kali vy jašče nie hladzieli navahodnija vypuski «Obyčnoho utra», to kantentu vam chopić na niekalki dzion.

«Małanka»

Vyniki hoda na YouTube-kanale Malanka Media pačnuć padvodzić u 19.00 pa minskim časie. Rabić heta buduć palityki Pavieł Łatuška i Anatol Labiedźka, pradprymalnik Alaksandr Knyrovič, spartyŭny žurnalist Alaksandr Ivulin, akcior Michaś Zuj, a taksama narodny deputat Ukrainy Alaksiej Hančarenka.

Śviatočny efir tut pačniecca ŭ 23.00. U navahodniuju noč prahučać najlepšyja chity hurta «Bi-2» i, kaniešnie, vinšavańni ad muzykaŭ. Abiacajuć i siurpryzy ad kamandy prajekta.

«Łokał Live»

YouTube-kanał «Łokał Live» — heta kamiedyjny padkast pra kłub Stand Up Lokal, jaki biełaruskija komiki sioleta adkryli ŭ Varšavie. Na kanale vychodzić biełaruskamoŭnaje šou «Hutarki», u jakim stendapiery Idrak Mirzalizade i Michaś Iljin razmaŭlajuć na samyja roznyja temy. Užo možna pahladzieć ich navahodni vypusk.

«Pierietriem s Chalezinym»

Kampazitarka Volha Padhajskaja i muzyka Siarhiej Pukst pryjšli ŭ hości na kuchniu da Mikałaja Chalezina. Razam jany lepiać chatnija pielmieni, abmiarkoŭvajuć siamiejnyja tradycyi, uspaminajuć adychodziačy hod. Hości jutub-šou razam vykanajuć muzyčnuju kampazicyju.

Kamientary11

  • Ohoniok (nie hołuboj)
    31.12.2024
    O, nakoniec-to. Davno ždał!
  • Chopić nudzić!
    31.12.2024
    Chopić!, nu!
  • dočka Maksima Dizajniera
    31.12.2024
    [Red. vydalena]

Ciapier čytajuć

Biełarus staŭ Hierojem Ukrainy. «Jaho mužčynski pačatak byŭ vielmi mocny»2

Biełarus staŭ Hierojem Ukrainy. «Jaho mužčynski pačatak byŭ vielmi mocny»

Usie naviny →
Usie naviny

Eduarda Małafiejeva nie zaprasili na adkryćcio Nacyjanalnaha stadyjona6

Tramp: Ukraina sama spravakavała rasijskija ŭdary40

Charkaŭ trapiŭ pad masiravanuju ataku: 40 vybuchaŭ, pažary, jość zahinułyja i paranienyja

U Žytkavickim rajonie žančyna zaraziła VIČ 83-hadovaha staroha7

Paźniak: I režym Łukašenki, i psieŭdaapazicyja — heta adno i toje ž143

Jarmošyna: Ja nie pajdu ŭ hramadskuju łaźniu, prosta tamu što bajusia26

Rasija nie zmoža adnavić straty dalniaj avijacyi paśla ŭkrainskaj apieracyi «Pavucińnie»2

Startap rabiŭ vyhlad, što jon raspracavaŭ štučny intelekt. Nasamreč, jon naniaŭ 700 prahramistaŭ i jany stvarali pradukty ŭručnuju3

Žychara Klecka asudzili za vykradańnie mihrantaŭ i vymahańnie ź ich hrošaj

bolš čytanych navin
bolš łajkanych navin

Biełarus staŭ Hierojem Ukrainy. «Jaho mužčynski pačatak byŭ vielmi mocny»2

Biełarus staŭ Hierojem Ukrainy. «Jaho mužčynski pačatak byŭ vielmi mocny»

Hałoŭnaje
Usie naviny →

Zaŭvaha:

 

 

 

 

Zakryć Paviedamić