U adnym z papularnych telehram-čataŭ («Tolki refarmatary i refarmatarki») Raman Pratasievič prapanavaŭ abmierkavać, što rabić, kab naładzić efiektyŭny dyjałoh pamiž prychilnikami režymu i apazicyjaj.
Na zaŭvahu adnaho z udzielnikaŭ čata, što spačatku treba spynić represii, a paśla vieści pieramovy, jon napisaŭ, što kantakty i tak nie spyniajucca.
«Nu, i vy ž nie dumajecie, što ŭ toj ža Dubaj ja jeździŭ vyklučna na adpačynak?»
— dadaŭ Pratasievič. Ale bolš detalaŭ nie pryvodziŭ.
Nahadajem, Raman Pratasievič paśla pamiłavańnia pracuje zvarščykam na zavodzie. Ale apošnim časam jaho stali časta zaprašać na intervju ŭ dziaržaŭnyja miedyja. Hutarki ź im zapisała taksama rasijskaja błohierka Ksienija Sabčak. A ministr infarmacyi prapanavaŭ jaho kandydaturu ŭ jakaści miedyjatara pamiž dziaržavaj i apazicyjanierami.
Ciapier Pratasievič sprabuje pierazapuścić svoj miedyjaprajekt i źviazvacca sa svajakami źniavolenych.
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1010
Kamientary