«Mis Biełaruś» Eleanora Kačałoŭskaja ažyćciaviła daŭniuju maru, źjeździŭšy ŭ Bransk na kancert «Lube»
«I słovami nie pieradać uvieś śpiektr emocyj, jakija ja adčuła», — kaža jana.
Mis Biełaruś 2023 hoda Eleanora Kačałoŭskaja raspaviała ŭ svaich sacsietkach, što ździejśniła svaju daŭniuju maru, naviedaŭšy kancert rasijskaha hurta «Lube» ŭ Bransku, piša «Kamsamołka».
— My pryjechali ŭ Rasiju, u horad Bransk, — padzialiłasia Kačałoŭskaja.
Jana pakazała bilety na kancert i adznačyła, što hetaja pajezdka była daŭnim žadańniem.
— Žyvy kancert hurta «Lube». Voś tak voś hučyć. Voś takaja voś mara ŭ mianie była. Tamu zaraz idziom na kancert «Lube», — dadała Mis Biełaruś 2023 hoda.
— I słovami nie pieradać uvieś śpiektr emocyj, jakija ja adčuła. Samy dušeŭny, samy kranalny i surjozny adnačasova kancert, na jakim ja kali-niebudź była, — padzialiłasia jana svaimi ŭražańniami.
Taksama Kačałoŭskaja apublikavała ŭ siabie karotkaje videa, dzie Mikałaj Rastarhujeŭ śpiavaje pieśniu «A rieka tiečiet», supravadziŭšy jaje smajłam z pabitym sercajkam i padpisaŭšy tak: «Čuć hetuju pieśniu ŭžyvuju».
Ciapier čytajuć
«Źnik bieź źviestak» vielmi małady biełaruski najomnik4
«Źnik bieź źviestak» vielmi małady biełaruski najomnik
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary