Pałatka, u jakoj Alaksandr Łukašenka pravodziŭ naradu z vajskoŭcami, była abstalavana minimum čatyrma mabilnymi kandycyjanierami.
Mabilnyja kandycyjaniery ŭ pałatcy, dzie Łukašenka pravodzić naradu padčas naviedvańnia 230-ha ahulnavajskovaha palihona Abuz-Lasnoŭski, možna zaŭvažyć jak na zdymkach, jakija raspaŭsiudziła BiełTA, tak i na videa telehram-kanała «Puł Piervoho».
Daŭno viadoma, što Łukašenka nie pieranosić haračyni. U pamiaškańniach, dzie jon pravodzić narady, zvyčajna padtrymlivajecca tempieratura nižej za 18 hradusaŭ.
Zhodna ź infarmacyjaj mietearesursaŭ, učora ŭ vakolicach Baranavičaŭ, dzie znachodzicca Abuz-Lasnoŭski palihon, maksimum było +25,7 hradusa.
Mabilnyja kandycyjaniery charaktaryzujucca davoli nizkaj efiektyŭnaściu. Tak pry mahutnaści 1 kVt taki kandycyjanier achałodžvaje prykładna 10 kvadratnych mietraŭ płoščy. Tamu dla efiektyŭnaha źnižeńnia tempieratury ŭ pamiaškańniach vialikaj płoščy patrabujecca ich niekalki. Na zdymkach z narady možna naličyć jak minimum čatyry takija prybory.
Na videa možna zaŭvažyć, što Łukašenka adziny siadzić u saročcy z karotkimi rukavami — u adroźnieńnie ad vajskoŭcaŭ, na jakich kicieli ci kurtki.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary