U Kurskuju vobłaść uvajšło tankavaje padraździaleńnie biełaruskich dobraachvotnikaŭ
Adno z padraździaleńniaŭ ZSU ŭ Kurskaj vobłaści — tankavaje padraździaleńnie «Tur» u składzie 225-ha Asobnaha šturmavoha bataljonu (AŠB). Kaściak «Tura» składajuć biełaruskija dobraachvotniki, piša «Biełsat».
Videa, jak u Kurskuju vobłaść uvarvaŭsia tank pad bieł-čyrvona-biełym ściaham, «Biełsatu» pieradaŭ biełaruski vajskoviec z pazyŭnym «Žerar», kamandzir adździaleńnia evakuacyi braniatechniki 225-ha asobnaha šturmavoha bataljonu ZSU.
«Padraździaleńnie ź biełarusami pracuje: trykałory padajuć na ziamlu, rasiejcy zdajucca ŭ pałon, a «Achmat» — prosta čaj. Dyktatury abaviazkova paduć! I my ŭ hetym biarom niepasredny ŭdzieł!» — pišuć tankisty ŭ telehramie.
Raniej vydańnie raspaviało, što va ŭkrainskim 225-m AŠB biełarusy stvaryli asobnaje tankavaje padraździaleńnie «Tur».
«Kamandavańnie toje, što ŭ nas jość biełaruskaje padraździaleńnie ŭ 225-m AŠB, uspryniała vielmi pazityŭna i dobra. I, dziakuj Bohu, heta daje svaje vyniki. My pakazvajem fienamienalny vynik. Kamandavańnie heta bačyć i cenić», — kazaŭ Žerar, kamandzir adździaleńnia evakuacyi ciažkaj techniki 225-ha AŠB.
Uviesnu heta padraździaleńnie adznačyłasia tym, što ŭpieršyniu zdabyła sučasny rasiejski tank T-90M «Praryŭ-3». Hetaja madyfikacyja — adna z najnoŭšych rasiejskich raspracovak.
«Spadziajusia, što našaja apieracyja z T-90M «Praryŭ-3» zastaniecca ŭ historyi, tamu što heta sapraŭdy ŭnikalny tank i apieracyja była najskładaniejšaja. Ja vielmi rady, što ŭ nas atrymałasia heta zrabić», — kazaŭ Žerar.
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary