Jašče vaśmi žycharam Bresta dali kałoniju za ŭdzieł u akcyi pratestu ŭ žniŭni 2020 hoda
Usich abvinavacili pavodle č. 1 art. 342 Kryminalnaha kodeksa za ŭdzieł u paślavybarčych akcyjach pratestu 10 žniŭnia 2020 hoda.
U sudzie Leninskaha rajona Bresta piataha žniŭnia abviaścili prysud jašče vaśmi miascovym žycharam — Ivanu Amrejčyku, Vasilu Niparku, Alaksieju Samajluku, Anatolu Zakurku, Iharu Sarokinu, Siarhieju Dziemidziuku, Mikitu Jachimoviču i Valancinie Žukoŭskaj. Jak piša «Bieraściejskaja Viasna», sudździa Dźmitryj Šuryn pryznačyŭ im terminy ad paŭtary da dvuch z pałovaj hadoŭ kałonii, piša «Viasna».
Tak, pryznačanyja nastupnyja terminy:
- Anatolu Zakurku, Iharu Sarokinu, Vasilu Niparku — adzin hod i šeść miesiacaŭ kałonii va ŭmovach ahulnaha režymu;
- Alaksieju Samajluku i Siarhieju Dziamidziuku — dva hady kałonii;
- Ivanu Amrejčyku — dva hady i try miesiacy kałonii va ŭmovach ahulnaha režymu;
- Mikitu Jachimoviču — dva hady i šeść miesiacaŭ kałonii va ŭmovach ahulnaha režymu;
- Valancinie Žukoŭskaj — adzin hod i piać miesiacaŭ kałonii va ŭmovach ahulnaha režymu.
Pavodle źviestak «Bieraściejskaj Viasny», usie abvinavačanyja zadoŭha da suda byli źmieščanyja pad vartu. Kaho zatrymali jašče ŭ lutym 2024 hoda, kahości — ciaham sakavika hetaha hoda. Paźniej usich byŭ zatrymany Siarhiej Dziemidziuk — u krasaviku 2024 hoda. Ihara Sarokina zatrymali na miažy ŭ lutym, kali jon viartaŭsia z Polščy, dzie pracavaŭ elektrykam.
Takim čynam, užo viadoma pra 33 asudžanych pavodle artykuła 342 KK za pratesty ŭ Breście, jakija prachodzili 10 žniŭnia 2020 hoda. Nahadajem, što za tuju akcyju pratestu aktyŭna sudzili ŭ 2021 hodzie pavodle art. 293 KK i ŭsim pryznačali kałoniju.
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki37
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje10
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Kamientary