Były sanatoryj, u jakim adpačyvali biełaruskija kasmanaŭty, pradali za 420 rubloŭ
Na handlovaj placoŭcy Biełaruskaj univiersalnaj tavarnaj biržy za 420 rubloŭ pradali kompleks budynkaŭ byłoha sanatoryja-prafiłaktoryja «Nača», raźmieščanaha ŭ Krupskim rajonie.
U časy SSSR hety sanatoryj, pabudavany ŭ 1973 hodzie, byŭ papularnaj zdraŭnicaj, kudy pryjazdžali na adpačynak u tym liku i biełaruskija kasmanaŭty Uładzimir Kavalonak i Piatro Klimuk.
Jašče ŭ kancy 1990-ch sanatoryj byŭ zakryty, a ŭ apošnija hady Krupski rajvykankam vioŭ pošuk novaha haspadara. U vyniku kompleks, a heta čatyrochpaviarchovy budynak z prybudovaj, 9 budynkaŭ haspadarčaha pryznačeńnia, łaźnia, pralnia i inšyja abjekty, byŭ pradadzieny za simvaličnyja 420 rubloŭ.
Try hiektary ziamli pad absłuhoŭvańnie sanatornaha kompleksu addadzienyja novamu ŭłaśniku ŭ arendu na paŭstahodździa.
Kompleks kupiŭ čałaviek, jaki nie źbirajecca źmianiać pryznačeńnie abjekta i paśla ramontu adkryje tut novy sanatoryj. Jon akazaŭsia adzinym achvotnym nabyć abjekt, tamu jon i adyšoŭ jamu pa startavaj canie, pavialičanaj na 5%.
Raniej kompleks nieadnarazova sprabavali pradać daražej, ale achvotnych na jaho nie znachodziłasia.
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary