Biełaruski repier Maks Korž 29 červienia sabraŭ u Talinie poŭnuju futbolnuju arenu na 15 tysiač hledačoŭ i padčas kancertu zrabiŭ antyvajennuju zajavu. Videa apublikavana na jutub-kanale «Nastojaŝieje vriemia. Biełaruś».
Padčas vystupleńnia aŭtar chita «Žiť v kajf» źviarnuŭsia da publiki z zaklikam spynić vajnu, bo pakul jana idzie, žyć u kajf nie atrymajecca.
«Možna žyć u kajf, ale pakul my nie spynim vajnu, paŭnavartasna žyć u kajf u nas nie atrymajecca. Spynicie vajnu. Nichto, akramia nas, jaje nie spynić», — zajaviŭ sa sceny artyst.
Paśla napadu Rasii na Ukrainu Maks Korž nieadnarazova vykazvaŭsia suprać vajny, zapisaŭ navat dźvie antyvajennyja pieśni. Praz heta jon faktyčna admoviŭsia ad mahčymaści vystupać u Rasii i admianiŭ ci pieranios zapłanavanyja tam kancerty. U Biełarusi jaho taksama ŭnieśli ŭ «čorny śpis».
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ14
Kamientary