Zialenski ŭ Hiermanii ahledzieŭ batareju Patriot, jakuju pieradaduć Ukrainie
Zialenski padziakavaŭ kancleru Ołafu Šolcu, Hiermanii i ŭsiamu niamieckamu narodu za novy abaronny pakiet.
Padčas rabočaha vizitu ŭ Hiermaniju prezident Uładzimir Zialenski razam ź fiederalnym ministram abarony FRH Borysam Pistoryusam naviedali 21-ju zienitna-rakietnuju hrupu ŭ horadzie Zanic, na bazie jakoj trenirujucca ŭkrainskija abaroncy dla pracy na ZRK Patriot, piša «Ukrainskaja praŭda».
Zialenski padziakavaŭ kancleru Ołafu Šolcu, Hiermanii i ŭsiamu niamieckamu narodu za novy abaronny pakiet na ahulnuju sumu bolš za 700 młn jeŭra.
Jon adznačyŭ i pieradaču Hiermanijaj jašče adnoj sistemy Patriot, i jakasnyja niamieckija sistemy IRIS-T.
«Vielmi važny aśpiekt, što vy skaracili čas pa vytvorčaści i treniroŭki na hetych sistemach. Bo siońnia hety čas vymiarajecca žyćciami našych ludziej. I toje, što vy skaracili dni, časam tydni, my budziem pamiatać dziesiacihodździami», — padkreśliŭ jon.
Pistoryus abviaściŭ, što ŭ novy pakiet uvajšli raźviedvalnyja i ŭdarnyja drony, strałkovaja i snajpierskaja zbroja, RPH, a taksama 100 dadatkovych rakiet da sistem Patriot, jakija Niamieččyna pieradaść razam z Danijaj, Narviehijaj i Niderłandami.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary