U Hrodnie pabudujuć kaścioł z redkim dla Biełarusi niabiesnym zastupnikam
Prajekt chrama, jaki płanujuć pabudavać u novym hrodzienskim mikrarajonie Hrandzičy, vynieśli na hramadskaje abmierkavańnie. Jaho niabiesnym patronam maje stać śviaty ajciec Pia, piša Hrodna.life.
Prajekt novaha kaścioła ŭ Hrandzičach — ilustracyja z materyjałaŭ hramadskich abmierkavańniaŭ
Pavodle prajekta, malitoŭnaja zała chrama budzie raźličanaja na 294 čałavieki. Ścieny kaścioła ablicujuć čyrvona-karyčnievaj kieramičnaj cehłaj. Vyšynia viežy kaścioła — 30,7 mietraŭ, z kryžom — 34,7 mietraŭ.
U płanach, akramia budynka kaścioła, taksama parafijalny dom, placoŭka dla adpačynku, dźvie stajanki na 12 i 14 mašyn.
Prajekt novaha kaścioła ŭ Hrandzičach — ilustracyi z materyjałaŭ hramadskich abmierkavańniaŭ
Dvuchpaviarchovy parafijalny dom (druhi pavierch — mansardny) atynkujuć i afarbujuć, častku ścien ablicujuć pad cehłu. U domie budzie zakrystyja, kancylaryja, navučalnyja kłasy, žyłyja pamiaškańni, kuchnia, pralnaja, pakoj dla charčavańnia, sanvuzły, mini-kacielnia. Parafijalny dom budzie źviazany z kaściołam pierachodnaj halerejaj.
Terytoryju vakoł kaścioła azielaniać, pastaviać łavački.
Płan raźmiaščeńnia chrama z materyjałaŭ hramadskich abmierkavańniaŭ
Parafija śviatoha ajca Pia (viadomy italjanski śviaty XX stahodździa) źjaviłasia pavodle rašeńnia hrodzienskaha katalickaha biskupa Alaksandra Kaškieviča ŭ 2019 hodzie. Jana achoplivaje mikrarajon Hrandzičy i najbližejšyja vioski. Kiruje parafijaj ksiondz Artur Małafiej.
Śviaty Pia — redki dla Biełarusi niabiesny zastupnik katalickich chramaŭ. Da hrodzienskich Hrandzičaŭ parafii jaho imia źjaŭlalisia tolki ŭ Maładziečnie i Loźnie.
Hramadskija abmierkavańni projduć z 5 pa 19 červienia. Prajekt možna budzie ŭbačyć u hetyja dni z 8.00 da 13.00 i z 14.00 da 17.00, z paniadziełka pa piatnicu, u viestybiuli budynka ŭpraŭleńnia budaŭnictva, architektury i horadabudaŭnictva Hrodzienskaha haradskoha vykanaŭčaha kamiteta (płošča Tyzienhaŭza, 3). Tamsama 12 červienia ŭ 15.00 u kabiniecie № 1 projdzie prezientacyja prajekta.
Zaŭvahi i prapanovy pa prajekcie prymajucca z 5 pa 19 červienia.
Infarmacyja ab vynikach hramadskaha abmierkavańnia pavinna źjavicca da 3 lipienia na sajcie Hrodzienskaha harvykankama.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary