U Minsku źjaviŭsia cikavy murał ź niezvyčajnymi žyviołami FOTAFAKT
U Respublikanskim reabilitacyjnym centry dla dziaciej-invalidaŭ adbyłosia ŭračystaje adkryćcio murała «Sny lesu», paviedamlajecca na sajcie mabilnaha apieratara A1.
«Sny lesu» stvarałasia na ścienach ustanovy jak napamin ab spartyŭna-muzyčnym dabračynnym prajekcie «U adnym rytmie z A1», jaki pravodziŭsia na stadyjonie «Dynama» letam 2023 hoda.
Dziakujučy namahańniam udzielnikaŭ fiestyvalu A1 na karyść reabilitacyjnaha centra była pieraličana finansavaja dapamoha na nabyćcio vysokatechnałahičnaha abstalavańnia dla reabilitacyi dziaciej. Kab padtrymlivać i natchniać jaho pacyjentaŭ i naviedvalnikaŭ i paśla zaviaršeńnia prajekta, kampanija inicyjavała stvareńnie murała va ŭnutranym dvoryku.
Mastačka Hanna Dziukava raspracavała eskiz «Sny lesu», dzie namalavana šmat detalaŭ, jakija možna razhladać i raźvivać ujaŭleńnie. Hałoŭnyja elemienty murała — žyvioły-šamany na fonie raznastajnych dreŭ i kvietak.
U kožnym ź piersanažaŭ zašyfravanyja simvaličnyja pasłańni dzieciam. Naprykład, lisa vučyć ich być nastojlivymi i znachodzić niečakanyja šlachi da vyrašeńnia prablem, a jaje aranžavy koler simvalizuje ciapło i žyćciovuju enierhiju.
Vaviorka simvalizuje ŭpartaść i pracu ŭ kamandzie, a jaje starannaść u zbory arechaŭ vučyć kaštoŭnaści pracy i supracoŭnictva.
Zajac uvasablaje chutkaść i spryt, a taksama pakazvaje, jak pieraadolvać pieraškody i chutka reahavać na źmiennyja situacyi. Sava simvalizuje mudraść i intelekt.
Murał raźmieščany va ŭnutranym dvary — pobač z soniečnaj panellu, ustalavanaj tam A1 pa vynikach konkursu «Enierhija sonca dla Zialonych škoł» u 2020 hodzie, kab dzieci mahli na svaje vočy nazirać za tym, jak možna atrymlivać elektryčnaść z adnaŭlalnaj pryrodnaj krynicy.
«Hety murał stanie nie tolki ŭpryhožvańniem našaha centra, ale i važnym simvałam unutranaj siły i padtrymki dla našych junych pacyjentaŭ. Jon nahadaje im pra toje, što kožny ź ich zdolny na bolšaje, a taksama pra toje, što jany nie samotnyja ŭ svaich namahańniach», — adznačyła dyrektar Respublikanskaha reabilitacyjnaha centra dla dziaciej-invalidaŭ Ludmiła Kandrašova.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki26
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1616
Kamientary