U Adesie vulicu Biełaruskuju pierajmienavali ŭ vulicu Kalinoŭskaha
Deputaty Adeskaj haradskoj rady prahałasavali za źmieny nazvaŭ zvyš sotni vulic. Vulica Biełaruskaja maje źmianić nazvu na vulicu Kastusia Kalinoŭskaha, jak i prasiŭ fond «Vilna Biłoruś».
Kančatkovy dakumient jašče maje być apublikavany, ale za pierajmienavańnie ŭžo prahałasavali na siesii haradskoj rady 24 krasavika, piša Biełsat.
Biełaruskaja — nievialikaja vulica ŭ pryvatnym siektary na poŭdni Adesy, jakaja vychodzić da miemaryjalnaha kompleksu Hieraičnaj abarony Adesy.
«Vilna Biłoruś» minułaj vosieńniu źviartałasia da kiraŭnictva Adesy z prapanovaj u miežach dekamunizacyi nazvać vulicu ŭ honar Kastusia Kalinoŭskaha, Michaiła Žyźnieŭskaha, kalinoŭca Alaksieja Skobli ci prosta ŭ honar Volnaj Biełarusi. Adesity pahadzilisia na pieršuju prapanovu.
Siarod pierajmienavanych abjektaŭ — vulica i płošča Kaciaryninskija, jakija zaraz buduć zvacca Jeŭrapiejskimi, park Horkaha, jaki stanie parkam Marka Tvena, skvier Puškina, jaki stanie skvieram Ružy viatroŭ. Baradzinskaja vulica stanie vulicaj Hierojaŭ Źmiainaha (tych, jakija pasłali rasijski vajenny karabiel «Maskva», jaki ŭrešcie pajšoŭ na dno), Pravułak Dziaržavina stanie Kvantavym pravułkam, a Arłoŭskaja vulica zachavała nazvu, ale ciapier zaviecca nie ŭ honar rasiejskaha horadu Arła, a ŭ honar prafiesara Michaiła Arłova.
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary