U baskietbolnym «Minsku» čakajuć hulca ŭzroŭniu Majkła Džordana, a jon usio nie prychodzić
Bolem padzialiŭsia hałoŭny trenier kłuba.
Hałoŭny trenier «Minska» Alaksiej Suchaviecki, razvažajučy pra lidaraŭ kamandy ŭ hetym siezonie, paskardziŭsia, što ŭ kłubie niama takoha ž jarkaha hulca, jak lehiendarny Majkł Džordan.
«Naša kamanda zaŭsiody pavinna być mocnaj jak kamanda. U nas takich jarkich vykanaŭcaŭ, jak Majkł Džordan, niama. My jaho ŭvieś čas čakajem, ale pakul jon nie prychodzić. U kožnym razie my pavinny być mocnymi jak kamanda: zvyšahresiŭnaja abarona, dobraja abarončaja kamunikacyja, kab prymusić supiernika bajacca, i tady ŭ hetaj kamandy źjavicca šaniec», — cytuje Suchavieckaha «Trybuna».
Biez Majkła Džordana «Minsk» zajmaje ŭpeŭnienaje apošniaje miesca ŭ rasijskaj Lizie VTB. Kamanda za ŭvieś siezon atrymała tolki adnu pieramohu, paciarpieŭšy pry hetym 37 parazaŭ.
Majkł Džordan — lehienda amierykanskaha i suśvietnaha baskietboła. Jon ličycca adnym z najlepšych baskietbalistaŭ u historyi. Džordan unios značny ŭkład u suśvietnuju papularyzacyju baskietboła ŭ 1990-ja hady.
Biełaruski baskietbolny kłub tolki ŭ 35-m matčy zdabyŭ pieršuju pieramohu
Biznesmien z-za miažy pasprabavaŭ «kupić» dziaržaŭny baskietbolny kłub. Voś što z hetaha vyjšła
Krasoŭki Majkła Džordana pradali za rekordnyja vosiem miljonaŭ dalaraŭ
Lebron Džejms pabiŭ rekord pa kolkaści zhulanych chvilin u historyi NBA
Ban biełaruskaha baskietboła praciahnuli
Kamientary