Śviedki raspaviali, čamu nie vyklikali palicyju padčas zhvałtavańnia biełaruski ŭ Varšavie
Zhvałtavańnie i śmierć 25-hadovaj Lizaviety ź Biełarusi šakavali Varšavu. Złačynstva adbyłosia nie ŭ ciomnym parku ci dzie-niebudź na ŭskrainie horada, a ŭ vychadny dzień u samym centry stalicy. Dziaŭčyna paŭhadziny lažała ŭ varotach, i na jaje nichto nie źviarnuŭ uvahu.
Kamiery videanazirańnia zafiksavali, jak dźvie žančyny išli prosta pobač ź miescam žorstkaha zhvałtavańnia dziaŭčyny, piša TVN Warszawa.
Ubačyŭšy ŭ varotach mužčynu i dziaŭčynu, jany krychu spynilisia i pajšli dalej. Pra toje, što heta byŭ napad, jany daviedalisia sa ŚMI. Jany sami źviarnulisia ŭ palicyju.
Žančyny dali pakazańni, što rascanili situacyju, śviedkami jakoj stali, pałavym aktam pamiž paraj bamžoŭ. Mužčyna, jakoha jany ŭbačyli la bramy, nibyta skazaŭ im iści dalej. Jany śćviardžajuć, što nie viedali pra złačynstva.
Małodšy inśpiektar palicyi Varšavy Małhažata Sakałoŭskaja prakamientavała toje, što adbyłosia. Pavodle jaje słoŭ, «pasiŭnaść śviedak abumoŭlena efiektam razmytaj adkaznaści». Jak patłumačyła Sakałoŭskaja, heta zaklučajecca ŭ tym, što prysutnaść inšych ludziej pryvodzić da mierkavańnia, što niechta inšy na hety kont užo niešta zrabiŭ ci ŭžo adreahavaŭ. Jana taksama zhadała «siłu sacyjalnych normaŭ», kali ŭ składanym stanoviščy ludzi sočać za reakcyjaj inšych, kab acanić surjoznaść situacyi.
Polski kryminalist prafiesar Piotr Krušynski zajaviŭ, što pryciahnuć śviedak da adkaznaści za toje, što jany nie akazali dapamohu dziaŭčynie, nie atrymajecca.
«Abvinavačańnie i nastupnaje pakarańnie za nieakazańnie dapamohi moža być pradjaŭlena tolki asobie, u dačynieńni da jakoj dakazana, što jana viedała ab niebiaśpiecy dla zdaroŭja i žyćcia paciarpiełaha. U dadzienym vypadku heta praktyčna niemahčyma, pakolki śviedki kažuć, što dumali, što heta byŭ prosta seks», — rastłumačyŭ ekśpiert.
6 sakavika ŭ pamiać 25-hadovaj Lizaviety projdzie «cichi» marš.
«Trahiedyja Lizy adbyłasia ŭ cišyni. Joj nie dapamahli, bo jana nie kryčała. Bolšaść žančyn padčas zhvałtavańnia nie kryčać — u vyniku dysacyjacyi, admaŭleńnia abo nieśviadomaha stanu. Maŭčańnie nie aznačaje zhody. Jano moža być krykam ab dapamozie. Marš projdzie ŭ cišyni», — pišuć arhanizatary.
«Mnie paščaściła. A Lizie — nie». Paśla śmierci biełaruski ŭ Varšavie ŭ siecivie šyrycca chešteh #chopićhvałcić — voś što pišuć
Polski Kanhres žančyn źviarnuŭsia da palitykaŭ paśla śmierci zhvałtavanaj biełaruski
Lizu, što pamierła ŭčora ŭ Varšavie, pachavajuć u polskaj stalicy
Zhvałtavanaja ŭ Varšavie biełaruska pamierła
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu5
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary