Kamitet pa pravach čałavieka AAN pryznaŭ parušeńnie prava na svabodu Babaryki pry zatrymańni. Prajšło amal try z pałovaj hady
Taksama KPČ zaklikaje zabiaśpiečyć eks-pretendentam prava na sustreču z advakatami.
Kamitet pa pravach čałavieka AAN pryniaŭ 31 kastryčnika rašeńnie (mierkavańnie) pa skarzie palitźniavolenaha pretendenta ŭ kandydaty ŭ prezidenty Biełarusi na vybarach 2020 hoda Viktara Babaryki, pryznaŭšy parušeńnie jaho prava na svabodu, što harantavanaje artykułam 9 Mižnarodnaha pakta ab hramadzianskich i palityčnych pravach, piša «Viasna».
Taksama KPČ źviarnuŭsia da dziaržavy z prośbaj pryniać terminovyja miery dla zabieśpiačeńnia taho, kab žyćcio, fizičny i maralny stan palitviaźnia nie źviedvali niebiaśpieku, a taksama zabiaśpiečyć jaho kamunikacyi z advakatami, členami siamji i miedycynskimi rabotnikami.
Viktar Babaryka, jaki vioz u CVK sabranyja dla vyłučeńnia ŭ kandydaty ŭ prezidenty podpisy, byŭ zatrymany razam sa svaim synam Eduardam 18 červienia 2020 hoda. Praz hod, 6 lipienia 2021 hoda, jaho asudzili na 14 hadoŭ kałonii. Z kanca krasavika hetaha hoda pra jaho ničoha nie viadoma.
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ9
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ77
Kamientary