«Była maleńkaja, a ciapier zusim schudnieła». Advakatku Jurhilevič i žurnalista Paŭła Mažejku adpraŭlajuć «na etap»
17 kastryčnika Viarchoŭny sud Biełarusi nie zadavoliŭ skarhi žurnalista z Hrodna Paŭła Mažejki i advakatki Julii Jurhilevič na vyrak, vyniesieny im Hrodzienskim abłasnym sudom za «sadziejničańnie ekstremisckaj dziejnaści», piša Radyjo Svaboda.
Termin u 6 hadoŭ źniavoleńnia dla abaich zastaŭsia niaźmiennym. Dzie buduć adbyvać pakarańnie asudžanyja, pakul nie viadoma.
Pavodle krynicy, znajomaj sa svajakami asudžanaha žurnalista Paŭła Mažejki, jon ad pačatku nie vieryŭ u admienu prysudu i zahadzia pačaŭ rychtavacca da etapavańnia ŭ kałoniju.
«Rychtujecca da etapu. Jamu pieradali ciopłuju vopratku, termabializnu, elektrabrytvu. Schudnieŭ, ale kaža, što pačuvajecca dobra», — raskazali pra Paŭła Mažejku. Napiaredadni etapavańnia ŭ kałoniju ŭ Paŭła zastajecca niavyrašanaj prablema ź lekami.
«Miedycynskaj pieradačy jamu tak i nie pryniali. I dyjahnazy pieradavali, i jon pisaŭ patrebnuju zajavu, ale biezvynikova. Nieviadoma, čamu», — kaža krynica pra los miedycynskaj banderoli dla Paŭła Mažejki, jakaja ź vieraśnia nie moža da jaho trapić.
Pra advakatku Juliju Jurhilevič, jakuju asudzili razam z Paŭłam Mažejkam, źviestak jašče mienš.
Pavodle pravaabaroncaŭ z «Viasny», padčas śledstva advakatka kazała, što jaje trymajuć «u skockich umovach» i nie dajuć aznajomicca sa spravaj. U źniavoleńni Julija Jurhilevič była ŭhanaravanaja mižnarodnaj premijaj Ludovika Terje ŭ halinie pravoŭ čałavieka.
«Jana mocna schudnieła. I tak była maleńkaja, a ciapier zusim schudnieła», — skazała krynica pra stan Julii Jurhilevič napiaredadni razhladu apielacyi.
Paŭła Mažejku i Juliju Jurhilevič aryštavali 30 žniŭnia 2022 hoda. Praces nad imi prachodziŭ z 10 lipienia 2023 hodu ŭ hrodzienskim abłasnym sudzie ŭ adkrytym režymie pad staršynstvam sudździ Maksima Fiłatava. Pa vynikach razhladu spravy Julii Jurhilevič prysudzili 6 hadoŭ źniavoleńnia ŭ kałonii ahulnaha režymu, Paŭłu Mažejku — 6 hadoŭ kałonii ŭzmocnienaha režymu.
Biełaruskija pravaabaroncy pryznali Juliju Jurhilevič i Paŭła Mažejku palitviaźniami.
Čytajcie taksama:
Paŭłu Mažejku i Julii Jurhilevič prysudzili pa 6 hadoŭ kałonii
Druhi dzień suda nad Mažejkam i Jurhilevič. Julija zajaviła, što jaje trymajuć u «skockich umovach»
Ciapier čytajuć
Novy staršynia Kanstytucyjnaha suda adpraviŭ syna vučycca na raźviedčyka ŭ akademiju HRU. A jak pačałasia vajna, chutčej zabraŭ z Rasii9
Kamientary