Jak paviedamiŭ pradprymalnik i miecenat Pavieł Padkarytaŭ u fejsbuku, sud u Vaŭkavysku pastanaviŭ skasavać damovu nakont nabyćcia im majontka ŭ Padarosku nibyta «z-za nievykanańnia ŭmovy pa ŭvodzie abjektaŭ u haspadarčy abarot».
Rašeńnie ab skasavańni damovy Vaŭkavyski rajonny sud pryniaŭ na pazoŭ Vaŭkavyskaha adździeła kultury.
Sam Padkarytaŭ ličyć takoje rašeńnie niezakonnym, bo
- sprava niepadsudnaja rajonnamu sudu, i, adpaviedna, damova pavinna była razhladacca Ekanamičnym sudom Hrodzienskaj vobłaści;
- termin daŭniny pa pazovie minuŭ šmat hadoŭ tamu;
- abjekt uviali ŭ haspadarčy abarot u 2014 hodzie šlacham stvareńnia turystyčnaha pradpryjemstva, pieradačy jamu abjektaŭ nieruchomaj majomaści i viadzieńnia pradpryjemstvam haspadarčaj dziejnaści — arhanizacyi ekskursijnaha absłuhoŭvańnia turystaŭ u majontku ciaham 2014-2023 hadoŭ;
- sudu pradstavili ŭsie dokazy ŭvodu abjektaŭ u haspadarčy abarot i viadzieńnia pradpryjemstvam haspadarčaj dziejnaści z vykarystańniem nabytych pa damovie abjektaŭ;
- patrabavanych zakonam akaličnaściaŭ, dastatkovych dla skasavańnia damovy, niama.
Rašeńnie Vaŭkavyskaha rajonnaha suda pakul nie ŭstupiła ŭ zakonnuju siłu, i Padkarytaŭ płanuje abskardzić jaho ŭ vyšejšych sudovych ustanovach.
Inicyjatyva «Majontak Padarosk» adnaŭlała siadzibu Čačotaŭ-Bochvicaŭ u Padarosku. Rasijski biznesmien biełaruskaha pachodžańnia Pavieł Padkarytaŭ vykupiŭ hetu siadzibu ŭ 2013 hodzie.
Letaś u kastryčniku ŭłady pačali pieraśled kiraŭnika i finansavaha dyrektara «Majontka Padarosk» Juryja Mielaškieviča i Źmitra Karabača. Im vystavili abvinavačańnie ŭ niaspłacie padatkaŭ i strachavych unioskaŭ z zarobkaŭ rabotnikaŭ amal na 400 000 rubloŭ. Juryj Mielaškievič pravioŭ pad vartaj paŭhoda i ŭ krasaviku 2023 hoda byŭ vyzvaleny pad paručalnictva.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu2
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1717
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary