Kamandzir pałka Kalinoŭskaha nazvaŭ padziei, što adbyvajucca, «pačatkam kanca vialikaj tyranii»
Dzianis «Kit» Procharaŭ zaklikaŭ biełarusaŭ być hatovymi da ŭstupleńnia ŭ atrady samaabarony i papiaredziŭ «vajskoŭcaŭ i reziervistaŭ»: «čakajcie našaha sihnału».
«Spryjalnyja ŭmovy dla źniščeńnia dyktatury imkliva nabližajucca. Heta pačatak kanca vialikaj tyranii. Ja źviartajusia da ŭsich biełaruskich vajskoŭcaŭ: nie ŭdzielničajcie va ŭnutranym kanflikcie Rasii! Heta hramadzianskaja vajna nas nie tyčycca.
Dla biełarusaŭ važna inšaje. Nabližajecca čas, kali pierad vami paŭstanie vybar: vykanać złačynny zahad ci prysiahu, jakuju vy dali biełaruskamu narodu.
My majem u Biełarusi vialiki rezierv, jaki ŭklučaje dziejnych vajskoŭcaŭ, vajskoŭcaŭ zapasu i prosta hramadzian, jakija hatovyja dziejničać i vyzvalać Biełaruś ad dyktatury i akupacyi.
Nam buduć patrebnyja ludzi. Rychtujciesia da ŭstupu ŭ atrady samaabarony. Kožny horad, kožny kvartał, kožnaja vulica, budźcie hatovyja dla kantrolu za svajoj terytoryjaj i dla padtrymki paradku.
Vajskoŭcy, reziervisty, biełarusy, čakajcie našaha sihnału. Čas svabody nabližajecca!» — skazaŭ Dzianis «Kit» Procharaŭ.
Kamientary